Homeन्यूज ॲट अ ग्लांसउद्यापासून रविवारपर्यंत श्री...

उद्यापासून रविवारपर्यंत श्री सिद्धिविनायकाचे दर्शन बंद!

मुंबईतल्या श्री सिद्धिविनायक गणपती मंदिरातील श्रींच्या मूर्तीला सिंदूरलेपन करण्यात येणार असल्यामुळे उद्या, बुधवार, सात जानेवारीपासून रविवार, 11 जानेवारी 2026पर्यंत भाविकांना श्रींच्या प्रत्यक्ष मूर्तीचे दर्शन घेता येणार नाही. या काळात भाविकांना श्रींच्या प्रतिमूर्तीचे दर्शन घेता येणे शक्य आहे.

येत्या सोमवारपासून म्हणजेच 12 जानेवारीपासून रोजी प्रोक्षणविधी, नैवेद्य आणि आरती झाल्यानंतर दुपारी एक वाजल्यापासून भाविकांना नेहमीप्रमाणे गाभाऱ्यातून श्रींच्या मूर्तीचे दर्शन घेता येणार आहे, असे श्री सिद्धिविनायक गणपती मंदिर न्यासाच्या कार्यकारी अधिकारी वीणा पाटील यांनी कळविले आहे.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content