Homeन्यूज अँड व्ह्यूजआता टोलनाका ओलांडतानाच...

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर दिल्लीतील अर्बन एक्स्टेंशन रोड-२वरील मुंडका टोल प्लाझावर ही यंत्रणा कार्यान्वित झाली आहे. ही चाचणी यशस्वी झाल्यानंतर ती देशभरातील टोलनाक्यांवर टप्प्याटप्प्याने लागू केली जाईल. टोलवरून वाहन जाताच एएनपीआर कॅमेरे आणि फास्टॅग यंत्रणा वाहनाचा नोंदणी क्रमांक वाचून राष्ट्रीय माहिती विज्ञान केंद्र (एनआयसी)च्या ‘वाहन’ डेटाबेसशी जोडली जाईल. विम्याची मुदत संपल्याचे आढळल्यास वाहनमालकाच्या नोंदणीकृत मोबाईलवर काही मिनिटांतच एसएमएस पाठवला जाईल. त्यात वाहनक्रमांक, टोल ओलांडल्याची वेळ आणि विमा संपल्याची तारीख असेल.

हा एसएमएस म्हणजे दंड किंवा ई-चलन नाही, तर केवळ विमा नूतनीकरणाची आठवण करून देणारी पूर्वसूचना असेल, हे लक्षात घ्यावे. मात्र, वैध विम्याशिवाय वाहन चालवणे हा मोटार वाहन कायद्याचे उल्लंघन आहे. १५ ऑगस्ट २०२६पासून लागू झालेल्या सुधारित तरतुदीनुसार, पहिल्या उल्लंघनासाठी वाहनाच्या बेस थर्ड पार्टी प्रीमियमच्या तिप्पट रक्कम किंवा ५,००० रुपये, यापैकी जी रक्कम जास्त असेल तेवढा दंड होऊ शकतो. दुसऱ्यांदा पकडले गेल्यास बेस प्रीमियमच्या पाचपट रक्कम किंवा १०,००० रुपये, यापैकी जी जास्त असेल तेवढा दंड होऊ शकतो. त्यामुळे वाहनचालकांनी प्रवासाला निघण्यापूर्वीच आपल्या वाहनाचा विमा वैध आहे का, याची खात्री करून घ्यावी आणि मुदत संपली असल्यास तत्काळ नूतनीकरण करून घ्यावे, असे आवाहन करण्यात येत आहे.

LEAVE A REPLY

Please enter your comment!
Please enter your name here

Continue reading

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...
Skip to content