Homeटॉप स्टोरीमतदारयादीत नाव नाही?...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार आहे. याच सुधारित वेळापत्रकाचा लाभ झारखंड, दिल्ली, तेलंगणा, आंध्र प्रदेश, नागालँड आणि हरियाणा या राज्यांनाही मिळाला आहे. या सर्व ठिकाणीही अंतिम यादी २२ डिसेंबरलाच येणार आहे. या विस्ताराचे मुख्य कारण म्हणजे अनुपस्थित, स्थलांतरित, मृत आणि दुबार (एएसडीडी) मतदारांची अधिक काळजीपूर्वक पडताळणी करणे, असे आयोगाने स्पष्ट केले आहे.

नव्या वेळापत्रकानुसार, एएसडीडी मतदारांचे गणना फॉर्म १८ नोव्हेंबरपर्यंत तयार आणि छापले गेले आहेत. त्यांचे वाटप आणि संकलन १८ ते ३० नोव्हेंबर २०२६ या काळात बूथस्तरीय अधिकारी (बीएलओ) घरोघरी जाऊन करणार आहेत. आलेल्या फॉर्मवर प्रक्रिया करण्याची अंतिम मुदत १० डिसेंबर ठेवण्यात आली आहे. दावे आणि हरकतींचा निपटारा करण्यासाठीची मुदत २५ नोव्हेंबरवरून वाढवून १५ डिसेंबर करण्यात आली आहे. महत्त्वाचे म्हणजे, नव्याने दावे-हरकती दाखल करण्याची खिडकी पुन्हा उघडलेली नाही. ती खिडकी १३ नोव्हेंबरलाच बंद झाली आहे. ३१ ऑगस्ट रोजी प्रसिद्ध झालेल्या मसुदा यादीतून राज्यातील सुमारे २.०७ कोटी नावे वगळली गेली होती. त्यापैकी नोटीस बजावलेल्या १.२२ कोटी मतदारांपैकी ९९.४१ टक्के प्रकरणे निकाली निघाली असून, सुमारे ७२,६०१ प्रकरणे अद्याप प्रलंबित असल्याचे आयोगाच्या आकडेवारीतून समोर आले आहे. मतदारांनी आपले नाव निवडणूक आयोगाच्या अधिकृत पोर्टलवर किंवा व्होटर हेल्पलाईन अॅपवर तपासावे, असे आवाहन आयोगाने केले आहे.

LEAVE A REPLY

Please enter your comment!
Please enter your name here

Continue reading

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...

कार-बाईक मालकांसाठी खुशखबर; नव्या वाहनांसाठी ३ वर्षांची पीयूसी

कार आणि बाईकच्या मालकांना आता दरवर्षी प्रदूषण नियंत्रण प्रमाणपत्र (पीयूसी) घेण्याची झंझट संपणार आहे. केंद्रीय रस्ते वाहतूक आणि महामार्ग मंत्रालयाने १३ नोव्हेंबर २०२६ रोजी अधिसूचित केलेले केंद्रीय मोटार वाहन (१६वे संशोधन) नियम, २०२६ आता राजपत्रात प्रसिद्ध झाल्याने लागू झाले...

भरत सावंतने जिंकली नलावडे स्मृती शालेय कॅरम स्पर्धा

मुंबईतल्या आयडियल स्पोर्ट्स अकॅडमी, शशिकलाताई फौंडेशन व अविनाश नलावडे स्पोर्ट्सतर्फे बालदिनानिमित्त आयोजित करण्यात आलेली‌ कॅरमप्रेमी प्रल्हाद नलावडे स्मृती चषक शालेय कॅरम स्पर्धा आरपीडी हायस्कूल-सावंतवाडीच्या भरत सावंतने जिंकली. निर्णायक बोर्डाच्या अगोदर ११-७ अशी आघाडी घेणाऱ्या द्वितीय मानांकित प्रसन्न गोळेला भरत...
Skip to content