Homeएनसर्कलआता 'पीएफ'ची रक्कम...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत हा निर्णय घेण्यात आला. आतापर्यंत वयाच्या ५८व्या वर्षी निवृत्त झाल्यानंतर सदस्यांना संपूर्ण पीएफ रक्कम एकरकमी काढावी लागत होती. आता सदस्यांना आपली संपूर्ण रक्कम ईपीएफओकडेच ठेवून दरमहा, त्रैमासिक किंवा वार्षिक हफ्त्यांमध्ये नियमित घेता येणार आहे. उरलेली रक्कम सदस्याच्याच नावे राहील आणि त्यावर सध्याच्या ८.२५ टक्के दराने व्याजही मिळत राहील. याचा फायदा सुरुवातीच्या टप्प्यात ५५ वर्षांवरील आणि ५ लाखांहून अधिक पीएफ शिल्लक असलेल्या सुमारे ६.३२ लाख सदस्यांना होण्याची शक्यता आहे.

या योजनेत सदस्यांना तीन पर्याय मिळणार आहेत.

पहिला- संपूर्ण रक्कम हफ्त्यांमध्ये घेणे

दुसरा- सुरुवातीला काही रक्कम एकरकमी घेऊन उरलेली रक्कम हफ्त्यांमध्ये घेणे

तिसरा- केवळ व्याजाची रक्कम काढणे.

गरज पडल्यास मध्येच एसडब्ल्यूपी थांबवून उरलेली संपूर्ण रक्कम काढण्याचीही मुभा असणार आहे.

हप्ते चालू असताना सदस्याचे निधन झाल्यास, वारसांना उरलेली रक्कम एकरकमी काढता येईल किंवा हफ्ते सुरू ठेवता येतील. ही सुविधा लगेच सुरू होणार नाही. ईपीएफ योजनेत आवश्यक दुरुस्ती केल्यानंतर सुमारे दोन महिन्यांत ती लागू होण्याची अपेक्षा आहे. याच बैठकीत ५५ वर्षांखालील सदस्यांसाठी किमान शिल्लक ठेवण्याची अट २५ टक्क्यांवरून १० टक्क्यांवर आणण्यात आली आहे. म्हणजे आता ९० टक्क्यांपर्यंत रक्कम काढता येईल. तसेच बेरोजगारीनंतर पीएफ काढण्यासाठीचा प्रतीक्षा कालावधी १२ महिन्यांवरून पुन्हा २ महिन्यांवर आणण्यात आला आहे.

LEAVE A REPLY

Please enter your comment!
Please enter your name here

Continue reading

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...

कार-बाईक मालकांसाठी खुशखबर; नव्या वाहनांसाठी ३ वर्षांची पीयूसी

कार आणि बाईकच्या मालकांना आता दरवर्षी प्रदूषण नियंत्रण प्रमाणपत्र (पीयूसी) घेण्याची झंझट संपणार आहे. केंद्रीय रस्ते वाहतूक आणि महामार्ग मंत्रालयाने १३ नोव्हेंबर २०२६ रोजी अधिसूचित केलेले केंद्रीय मोटार वाहन (१६वे संशोधन) नियम, २०२६ आता राजपत्रात प्रसिद्ध झाल्याने लागू झाले...
Skip to content