मनोरा बॅडमिंटन अकादमीच्या विद्यमाने मुंबईतल्या मलबार हिल क्लब येथे आयोजित करण्यात आलेल्या मुला-मुलींच्या बॅडमिंटन स्पर्धेत काव्या कुमार, अभिमन्यू शेटे, अनुश्री मोडलींबकर, विवान वायंगणकर, रुद्रा गावडे, आदित्य पडवळ, ओम दाबेकर यांनी विजेते पदाचा मान मिळवला.
या स्पर्धेत मुंबई, नवी मुंबई, ठाणे, वसई, विरार येथील अकादमीचे सदस्य असलेले खेळाडू सहभागी झाले होते. अकादमीची ही ११७वी स्पर्धा होती. मलबार हिल क्लबचे सोहम दारुवाला, भैरव सेठ, बॉम्बे जिमखान्याचे कुणाल राव यांच्या हस्ते विजेत्यांना पारितोषिके देण्यात आली. योनेक्स, मलबार हिल क्लबचे मोलाचे सहकार्य स्पर्धेला मिळाले. अकादमीचे संचालक मनोहर गोडसे आणि त्यांच्या सहकाऱ्यांनी स्पर्धा यशस्वी करण्यासाठी अथक परिश्रम घेतले.
स्पर्धेचा अंतिम निकालः
मुली:
११ वर्षांंखालील: काव्या कुमार वि. वि. आर्या जोशी, १३ वर्षांंखालील: अनुश्री मोडलींबकर वि. वि. तनया राणे, १५ वर्षांंखालील: रुद्रा गावडे वि. वि. सनया ठक्कर
मुले:
११ वर्षांंखालील: अभिमन्यू शेटे वि. वि. अगस्त्या समताने, १३ वर्षांंखालील: विवान वायंगणकर वि. वि. विवान गद्रे, १५ वर्षांंखालील: आदित्य पडवळ वि. वि. विहान राठी, १७ वर्षांंखालीलः ओम दाबेकर वि. वि. शोबीत कर्नक
