यप्प टीव्ही, या साऊथ एशियन कंटेंटसाठी जगात सर्वात आघाडीच्या प्लॅटफॉर्मने अमेरिका आणि कॅनडा येथे झी नेटवर्क चॅनल्स लाँच केले आहेत.
या प्लॅटफॉर्मच्या माध्यमातून प्रेक्षकांना झी चॅनल्सचे रिलेटेबल फिक्शन, हाय व्होल्टेज नॉन-फिक्शन, भव्य कार्यक्रम तसेच हिंदी आणि प्रादेशिक भाषांतील ब्लॉकबस्टर चित्रपट असा विस्तृत संमिश्र कंटेंट मिळेल. झी चॅनल्सच्या लाँचिंगद्वारे, यप्प टीव्हीने भारतीय मनोरंजन क्षेत्रात बहुतांश सर्व भाषा आणि शैलींना स्पर्श केला आहे.
यप्प टीव्हीचे संस्थापक आणि सीईओ उदय रेड्‌डी म्हणाले की, झी एंटरटेनमेंट, या आघाडीच्या मनोरंजन नेटवर्कसोबत पुन्हा एकदा भागिदारी करताना आम्हाला आनंद होत आहे. यामुळे अमेरिका आणि कॅनडातील बाजारात मनोरंजनाचे चॅनल्स पुन्हा पोहोचवता येतील. झी, हा आंतरराष्ट्रीय स्तरावर, विशेषत: अमेरिका, जिथे भारतीय संस्कृतीशी तो समांतर आहे, अशा ठिकाणी नि:संशयपणे सर्वात पॉवरफुल भारतीय ब्रँड आहे.
अमेरिकन मार्केट डिजिटायझेशनबाबत सर्वात आघाडीवर असते. केवळ वापराबाबतच नव्हे तर अॅड सेल्समध्येही ते पुढे आहे. आमच्या प्लॅटफॉर्मच्या माध्यमातून, झी जाहिरातदारांना इन्क्रिमेंटल एचएचएस तसेच डिलिव्हरी (इम्प्रेशन्स)वर आधारीत धोरणात्मक डील्सची सुविधा प्रदान करू शकतो. राष्ट्रीय आणि स्थानिक पातळीवर ही सुविधा उपलब्ध असून इतर कोणतेही प्लॅटफॉर्म अशा प्रकारचा लाभ प्रोग्रामर्सना प्रदान करत नाहीत. यप्पवरील प्रत्येक जाहिरात अखेरच्या डॉटपर्यंत मोजता येऊ शकते. अमेरिकेतील साऊथ एशियन अॅडव्हरटाइजर्ससाठी हे गेमचेंजर ठरेल, असेही त्यांनी सांगितले.
यप्प टीव्हीचे यूझर्स या प्लॅटफॉर्मवरून झी चॅनल्सच्या सुविधा मिळवू शकतात. मग यात ‘कुमकुम भाग्य’सारखे मोहक कौटुंबिक नाट्य, ‘भाभी जी घर पर है’सारखे कौटुंबिक विनोदी किंवा ‘इंडियन प्रो म्युझिक लीग’सारखे रिअॅलिटी शो या सर्वांचा समावेश होतो. यूझर्सना झी टीव्ही, अँड टीव्ही आणि झी सिनेमा (लेटेस्ट मूव्हीज) यासारखे चॅनेल्स पाहता येतील. तसेच झी तेलगू, झी तमिळ, झी कन्नडा, झी केरलम, झी पंजाबी, झी मराठी आणि झी बांगला यासारखे विविध प्रादेशिक चॅनलही पाहता येतील. अमेरिका आणि कॅनडा मार्केटमध्ये या नेटवर्कच्या रिलाँचसह, यप्प टीव्हीचे यूझर्स विविध भाषा आणि शैलीतील कार्यक्रमांचा मनमुरादपणे आस्वाद घेऊ शकतील.
