Homeन्यूज ॲट अ ग्लांसकेंद्रीय कर्मचाऱ्यांच्या महागाईभत्त्यात...

केंद्रीय कर्मचाऱ्यांच्या महागाईभत्त्यात 3 टक्के वाढ!

दिवाळीच्या तोंडावर केंद्रातल्या मोदी सरकारने 1.16 कोटी केंद्रीय कर्मचारी आणि पेन्शनधारकांना मोठी भेट दिली आहे. पंतप्रधान नरेंद्र मोदी यांच्या अध्यक्षतेखालील केंद्रीय मंत्रिमंडळाच्या बैठकीत महागाई भत्ता (डीए) आणि महागाई सवलत (डीआर)मध्ये 3% वाढ करण्यास मंजुरी देण्यात आली. यासाठी 10,016 कोटी रुपयांची तरतूद मंजूर करण्यात आली आहे.

या निर्णयामुळे केंद्रीय कर्मचाऱ्यांचा महागाईभत्ता 60%वरून 63% झाला आहे. ही वाढ 1 जुलै 2026पासून लागू होणार असून नोव्हेंबरच्या पगारात जुलै ते ऑक्टोबरची थकबाकी (एरियर्स) मिळणार आहे. केंद्रीय माहिती व प्रसारण मंत्री अश्विनी वैष्णव यांनी सांगितले की, याचा लाभ 48 लाख केंद्रीय कर्मचारी आणि 68 लाख पेन्शनधारकांना होणार आहे. सातव्या वेतन आयोगाच्या सूत्रानुसार ही वाढ करण्यात आली असून, पाचव्या आयोगात 483%वरून 497% आणि सहाव्या आयोगात 262%वरून 269%डीए वाढवण्यात आला आहे.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content