Tag: Chembur

काही काही वास्तूऺचे काही काही जागांशी अतिशय घट्ट नाते जुळलेय, त्याला चित्रपटाचे जगही अपवाद नाही. 'शोले' म्हटलं की मिनर्व्हा चित्रपटगृह आणि मिनर्व्हा चित्रपटगृह म्हटलं रे म्हटलं 'शोले' हे जगभरातील चित्रपट रसिकांमध्ये तब्बल पन्नास वर्षे रुजलेले नातं... आज भलेही मिनर्व्हा चित्रपटगृहाची भव्य इमारत पाडूनही दशकभराचा काळ झाला असेल, पण आजही तेथून जाताना गब्बरसिंगची दहशत जाणवते. वांद्रे येथील पाली हिल अथवा जुहू वर्सोवा म्हटले की जुन्या पिढीतील कलाकार आणि आजच्या काळातील सेलिब्रिटीज (दोन्ही एकच. पण आजच्या ग्लोबल युगात‌ नट, अभिनेता, कलाकार असे न म्हणता सेलिब्रिटीज म्हणतात इतकेच!) आणि सेलिब्रिटीजचं घर म्हटले...