मराठी साहित्य रसिक मंडळ चेंबूर आणि ना. ग. आचार्य व दा.कृ. मराठे महाविद्यालय, चेंबूर यांच्या संयुक्त विद्यमाने येत्या शुक्रवारी ७ व शनिवारी ८ फेब्रुवारीला दुपारी ३ ते ७ या वेळेत मराठी साहित्य संमेलन आयोजित केले आहे.
या संमेलनात प्रसिद्ध लेखिका प्रतिभा सराफ यांची घन:श्याम परकाळेनिर्मित व दिग्दर्शित ‘नाती’ ही एकांकिका तसेच अयोध्येची उर्मिला, या कादंबरीच्या लेखिका डॉ. स्मिता दातार यांची मुलाखत तर दुसऱ्या दिवशी चित्रपट, मालिका आणि नाटक या तीनही माध्यमात सहज वावरणाऱ्या ज्येष्ठ अभिनेत्री स्मिता ओक यांचा नजराणा हास्याचा तसेच राष्ट्रपती पुरस्काराने सन्मानित आणि पोलीस मन, या पुस्तकाचे लेखक निवृत्त सहाय्यक पोलीस आयुक्त अजित देशमुख यांची मुलाखत असे कार्यक्रम असतील.
मराठीवर प्रेम करणाऱ्या रसिकांनी या संमेलनास उपस्थित राहून या साहित्यिक मेजवानीचा लाभ घ्यावा, असे आवाहन दोन्ही संस्थांच्या वतीने करण्यात आले आहे.
