Homeकल्चर +'सुशीला-सुजीत'मध्ये तब्बल पाच...

‘सुशीला-सुजीत’मध्ये तब्बल पाच भूमिका निभावणार प्रसाद ओक!

एखादा कलाकार एखाद्या चित्रपटात फारफार तर दुहेरी भूमिका साकारताना दिसतो. पण आगामी सुशीला-सुजीत, या चित्रपटामध्ये प्रसाद ओक एक, दोन नव्हे तर तब्बल पाच भूमिका साकारताना दिसणार आहे. प्रसाद ओक या चित्रपटाचं दिग्दर्शन तर करणार आहेच, पण सोबतीने बाकी काही खास भूमिकादेखील निभावताना दिसणार आहे.

आजवर प्रसादने मराठी चित्रपटसृष्टीला अनेक सुपरहिट, दमदार चित्रपट तर दिले आहेतच, पण आगामी सुशीला-सुजीतची प्रेक्षकांना अधिक उत्सुकता आहे. या चित्रपटात प्रसाद करत असलेल्या तब्बल पाच भूमिका नक्की कोणत्या? तर प्रसाद या चित्रपटाचा कॅप्टन ऑफ द शीप म्हणजे दिग्दर्शक आहे. सोबतीला तो या चित्रपटात एक अतरंगी भूमिका साकारतोय! चित्रपटाची कथा प्रसादचीच आहे. या चित्रपटाचा निर्मातासुद्धा तोच आहे आणि लास्ट बट नॉट लिस्ट, या चित्रपटात प्रसादने एक सुंदर गाणंदेखील गायलं आहे.

एवढ्या सगळ्या भूमिका आणि त्यासुद्धा एकाच चित्रपटासाठी निभावणं ही खरंतर तारेवरची कसरत म्हणावी. पण प्रसादने या सगळ्या भूमिका एकदम चोख पार पाडल्या आहेत, ज्या तुम्हा सगळ्यांना येत्या 18 एप्रिलला सिनेमागृहात बघायला मिळतील. प्रसाद प्रत्येक सिनेमात काही न काहीतरी वेगळा प्रयत्न करून प्रेक्षकांना मोहित करण्याचा प्रयत्न करत असतो. त्यामुळेच आता प्रेक्षकांना सुशीला-सुजीतमध्ये काय वेगळं बघायला मिळणार याची उत्सुकता लागली आहे.

Continue reading

मुंबईत येत्या २० नोव्हेंबरपासून ३ दिवस रसिकांसाठी संगीताची मेजवानी

हिंदुस्थानी शास्त्रीय संगीताची समृद्ध परंपरा, सुरांची माधुरी आणि स्वरकलेचा अभिजात वारसा जपणाऱ्या मुंबईतल्या दादर माटुंगा सांस्कृतिक केंद्राच्या वतीने यंदाही वार्षिक संगीत महोत्सवाचे भव्य आयोजन करण्यात आले आहे. येत्या २० ते २२ नोव्हेंबर, या कालावधीत रंगणारा हा त्रिदिवसीय संगीत महोत्सव...

अमेरिकेचे अध्यक्ष ट्रम्प होणार व्हेटो अध्यक्ष?

अमेरिकेत नुकत्याच झालेल्या मध्यावधी निवडणुकीत अध्यक्ष डोनाल्ड ट्रम्प यांच्या रिपब्लिकन पक्षाने सपाटून मार खाल्ल्यानंतर ट्रम्प यांचे अध्यक्षपद फक्त नामधारी राहणार आहे. येत्या तीन जानेवारीपर्यंत ट्रम्प यांची सध्याची ध्येयधोरणे अस्तित्त्वात राहतील. मात्र, त्यानंतर त्यांना अमेरिकी काँग्रेस (प्रतिनिधीगृह) तसेच सिनेटमधल्या डेमॉक्रॅटिक...

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...
Skip to content