Homeकल्चर +कोमसाप दादरची रंगली...

कोमसाप दादरची रंगली महफील ‘काव्य रंग’!

कोमसाप दादर शाखेचा `काव्य रंग’ कार्यक्रम नुकताच उत्साहात साजरा झाला. मराठी अभिजात भाषा वर्षपूर्ती निमित्ताने हा कविता आणि गीतांचा सुंदर वैविध्यपूर्ण असा कार्यक्रम सिनिअर सिटीझन ऑर्गनायझेशन प्रभादेवी उर्फ स्कॉप यांच्या सहकार्याने मुंबईतल्या वरळी येथील डॉ. डी. वाय. पाटील इंटरनॅशनल स्कूल सभागृहात झाला. कार्यक्रमात कोमसाप दादर शाखामधील ज्येष्ठ ते तरुण अशा कवी आणि कवयित्रींनी सहभाग घेतला व आपले स्वरचित काव्य सादर केले.

कार्यक्रमासाठी आमंत्रित अतिथी म्हणून विद्या प्रभू, कोमसाप मुंबई जिल्हाध्यक्ष व जगदीश भोवड, पत्रकार व कोमसाप मुंबई जिल्हा प्रतिनिधी तर प्रमुख अतिथी म्हणून कोमसाप दादर शाखाध्यक्ष अंजना कर्णिक उपस्थित होत्या. या कार्यक्रमास दिलीप गांगल, स्कॉप अध्यक्ष, चंद्रकांत कवळी, सचिव, सुरेंद्र पोतदार, समिती सदस्य यावेळी उपस्थित होते. त्यांनी अगदी मनसोक्त कविता आणि गीतांचा आस्वाद घेतला. अगदी आनंददायी वातावरणात सदर कार्यक्रम साजरा झाला. कार्यक्रमाचे सूत्रसंचालन दादर शाखा सचिव कवी मनोज धुरी यांनी केले.

कार्यक्रम यशस्वी होण्याकरिता दादर शाखेचे अध्यक्ष, कार्यवाह यांच्यासोबत सहकार्यवाह कवी समीर बने यांनी मेहनत घेतली. कार्यक्रमात विद्या प्रभू, अंजना कर्णिक, डॉ. शिल्पा जोशी, कवी चंद्रकांत कवळी, मनोज धुरंधर, समीर बने, सुरेश कापडोसकर, निर्मला देऊसकर, सुप्रिया ठोकळ, युवा प्रतिनिधी वनश्री राडे व स्कॉपच्या काही सभासदांनी आपापल्या कविता, गीते सादर करून कार्यक्रमात रंगत आणली.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content