जगभरात धुमाकूळ माजविणाऱ्या चायनीज एआय DeepSeekने सर्वाधिक प्रभावित एनविडीयाचे (NVIDIA) भारतीय आयटी कंपन्यांशी कनेक्शन असल्याचे आढळून आले आहे.
डीपसीकने अमेरिकी चीप आणि AI जायंट कंपनी एनविडीयाला जबरदस्त फटका दिला आहे. आपल्याकडे कॉम्प्युटर/लॅपटॉप ग्राफिक्स कार्डसाठी एनविडीया परिचित आहे. मात्र, अनेक भारतीय कंपन्यांनी AIसाठी एनविडीयाशी करार केले आहेत. AI इन्फ्रास्ट्रक्चर, हेल्थकेअर, फायनान्सपासून अनेक क्षेत्रात AI टूल्स सध्या वापरले जात आहे. भारतातील AI लँडस्केप मजबूत करण्यात सर्वाधिक भरवसा सध्या या क्षेत्रातील बादशाह असलेली कंपनी एनविडीयावरच ठेवला गेलेला आहे.
एनविडीयाशी हातमिळवणी असलेल्या भारतीय कंपन्या अशा-
१. रिलायन्स
२. ओरॅकल फायनान्शियल सर्व्हिसेस OFSS
३. एल अँड टी टेक LTT
४. विप्रो
५. टाटा टेलिकम्युनिकेशन
६. इन्फोसिस
त्यामुळे सध्या तात्पुरती तेजी दिसत असली तरी येत्या काही दिवसात या भारतीय आयटी कंपन्यातही घसरणीचा फटका बसण्याची शक्यता नाकारता येत नाही.
रिलायन्स: भारतात AI फ्युचर बनविण्याची योजना. AI इन्फ्रास्ट्रक्चर इनोव्हेशन सेंटर्स आणि भारतीय भाषांत लार्ज लँग्वेज मॉड्युल्स LLM विकसित करत आहे. सुपर कॉम्प्युटरपेक्षाही जास्त प्रभावी अन् अचूक मॉड्युलची निर्मिती.
ओरॅकल फायनान्शियल सर्व्हिसेस: पॅरेंट कंपनी ओरॅकल कॉर्प ऑलरेडी एनविडीयाशी सहकार्याने मजबूत प्रदर्शन करत आहे. आता बँकिंग आणि इन्शुरन्स कंपन्यांना AIबेस्ड सेवा पुरवण्यासाठी OFSSचा करार, यातून कंपनीला 5 ते 10% अतिरिक्त नफा मिळविण्याची योजना.
एल अँड टी टेक: भारतीय वैद्यकीय क्षेत्रात AIचा वापर वाढविण्याची योजना. एक हजार इंजिनीअर्सना सध्या AI टूल्स आणि प्लॅटफॉर्मवर प्रशिक्षण दिले जात आहे.
विप्रो: जनरेटीव्ह AIच्या मदतीने भारतीय हेल्थकेअर क्षेत्रात क्रांती आणण्याची योजना. इंटेलिजंट डॉक्युमेंट प्रोसेसिंग आणि प्रगत मेडिकल AI ॲप्लिकेशन विकसित करण्याची योजना.
टाटा टेलिकम्युनिकेशन: क्रिटिकल कॉम्प्युटिंग सोल्युशन्स क्षेत्रासाठी करार. ॲडव्हान्स AI सॉफ्टवेअर्सचा वापर करून टाटा AI क्षमतेला एका वेगळ्या उंचीवर घेऊन जाण्याची योजना.
इन्फोसिस: डेटा जनरेशन आणि सिम्युलेशनसाठी एनविडीया AI प्लॅटफॉर्मचा वापर. GenAI जनरेशन AI पॉवर्ड सोल्यूशन्स विकसित करण्याची योजना.
