Homeकल्चर +आवडेल, भावेल असा...

आवडेल, भावेल असा साहित्यिक कार्यक्रम १३ डिसेंबरला मुंबईत

साहित्याची आवड असणाऱ्या सर्व लेखक, वाचक यांना आवडेल, भावेल असा साहित्यिक कार्यक्रम, येत्या १३ डिसेंबरला कोकण मराठी साहित्य परिषद, दादर शाखा आणि कोमसाप, मुंबई जिल्हा, कोमसाप युवा शक्ती यांनी रोटरी क्लब ऑफ मुंबई शिवाजी पार्क, दादर यांच्या सहकार्याने आयोजित केला आहे. हा कार्यक्रम सानेगुरुजी विद्यालय, भिकोबा वामन पाठारे मार्ग, दादर येथे सायंकाळी ४.३० वाजता होईल, अशी माहिती कोमसाप दादर शाखेच्या अध्यक्षा अंजना कर्णिक यांनी दिली आहे.

‘शून्य बघितलेला माणूस’चे लेखक आणि सुप्रसिद्ध सेलिब्रिटी शेफ डॉ. तुषार प्रीति देशमुख यांचे मनोगत, लेखन आणि जीवन प्रवास, हे या कार्यक्रमाचे मोठे आकर्षण आहे. यंदा पद्मश्री कविवर्य नारायण सुर्वे जन्मशताब्दीनिमित्त त्यांच्या काव्याचे सादरीकरण, रसग्रहण आणि शंकर पाटील भाऊ पाध्ये यांच्या कथांचं सादरीकरण युवा शक्तीची तरुण मुले प्रा. दीपा ठाणेकर यांच्या मार्गदर्शनाखाली करतील. कार्यक्रमाचे अध्यक्ष, कोकण मराठी साहित्य परिषदेच्या केंद्रीय अध्यक्ष नमिता कीर भूषवतील. केंद्रीय कार्याध्यक्ष डॉ. प्रदीप ढवळ, केंद्रीय कार्यवाह दीपा ठाणेकर, युवाशक्ती प्रमुख स्नेहा वाघ, मुंबई जिल्हाध्यक्ष विद्या प्रभू, शिवाजी पार्क रोटरी क्लबचे अध्यक्ष डॉ. रमेश शेटे आणि इतर पदाधिकारी यावेळी उपस्थित असतील, असे कर्णिक यांनी सांगितले.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content