Homeचिट चॅटशालेय मुलांसाठी विनाशुल्क...

शालेय मुलांसाठी विनाशुल्क कबड्डी उन्हाळी शिबीर

मुंबईतल्या आयडियल स्पोर्ट्स अकॅडमीतर्फे उन्हाळी सुट्टीमध्ये शालेय मुलांसाठी विनाशुल्क कबड्डी स्पर्धात्मक प्रशिक्षण शिबीर मुंबई शहर व उपनगरमधील विविध विभागामध्ये आयोजित करण्यात येणार आहे. सदर उपक्रमाचा शुभारंभ कुर्ला-पश्चिम येथील गांधी मैदानात २५ एप्रिलपासून होणार आहे. नवोदित खेळाडूंना तंत्रशुध्द कबड्डी खेळाची प्राथमिक ओळख करून देत दुखापतीच्या भयाचे निराकरण करण्याचादेखील यामागचा उद्द्येश आहे. माजी कबड्डीपटू गोविंदराव मोहिते, बीपीएड क्रीडा शिक्षक अविनाश महाडिक, एनआयएस कबड्डी प्रशिक्षक माधवी कदम व प्रॉमिस सैतवडेकर, कबड्डी मार्गदर्शक सुनील खोपकर, शिवछत्रपती पुरस्कारप्राप्त लीलाधर चव्हाण आदींचे यात शालेय खेळाडूंना मार्गदर्शन लाभणार आहे.

सदर शिबिरात निवड झालेल्या खेळाडूंना जास्तीतजास्त स्पर्धात्मक सराव देण्यात येणार असून होणाऱ्या चुकांचे परिमार्जनदेखील करण्यात येणार आहे. उदयोन्मुख खेळाडूंचे संघ तयार करून विभागवार एक दिवसीय कबड्डी सामने उन्हाळी सुट्टीत खेळविले जाणार आहेत. तसेच गतवर्षाप्रमाणे पावसाळ्यात मोफत इनडोर कबड्डी उपक्रमसुद्धा राबविला जाणार आहे. यासाठी आत्माराम मोरे प्रतिष्ठान, आनंदराव अडसूळ चॅरिटेबल ट्रस्ट, गौरी शंकर क्रीडा मंडळ, जय भवानी क्रीडा मंडळ, बाळ गोपाळ मंडळ, हनुमान क्रीडा मंडळ, ओम बजरंगबली क्रीडा मंडळ, यंग स्पोर्ट्स क्लब आदी संस्थांचे सेवाभावी सहकार्य लाभत आहे. सदर शिबिरात सहभागी होऊ इच्छिणाऱ्या १५ वर्षांखालील शालेय मुलांनी प्रवेशासाठी अथवा अधिक माहितीसाठी संयोजक लीलाधर चव्हाण अथवा क्रीडा शिक्षक अविनाश महाडिक (९००४७ ५४५०७) यांच्याशी संपर्क साधावा.

Continue reading

मुंबईत येत्या २० नोव्हेंबरपासून ३ दिवस रसिकांसाठी संगीताची मेजवानी

हिंदुस्थानी शास्त्रीय संगीताची समृद्ध परंपरा, सुरांची माधुरी आणि स्वरकलेचा अभिजात वारसा जपणाऱ्या मुंबईतल्या दादर माटुंगा सांस्कृतिक केंद्राच्या वतीने यंदाही वार्षिक संगीत महोत्सवाचे भव्य आयोजन करण्यात आले आहे. येत्या २० ते २२ नोव्हेंबर, या कालावधीत रंगणारा हा त्रिदिवसीय संगीत महोत्सव...

अमेरिकेचे अध्यक्ष ट्रम्प होणार व्हेटो अध्यक्ष?

अमेरिकेत नुकत्याच झालेल्या मध्यावधी निवडणुकीत अध्यक्ष डोनाल्ड ट्रम्प यांच्या रिपब्लिकन पक्षाने सपाटून मार खाल्ल्यानंतर ट्रम्प यांचे अध्यक्षपद फक्त नामधारी राहणार आहे. येत्या तीन जानेवारीपर्यंत ट्रम्प यांची सध्याची ध्येयधोरणे अस्तित्त्वात राहतील. मात्र, त्यानंतर त्यांना अमेरिकी काँग्रेस (प्रतिनिधीगृह) तसेच सिनेटमधल्या डेमॉक्रॅटिक...

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...
Skip to content