Tag: Kabaddi

मुंबईतल्या ना. म. जोशी मार्गावरील बंड्या मारूती सेवा मंडळाने आपल्या अमृत महोत्सवी वर्षानिमित्त शिवसेना‌प्रमुख बाळासाहेब ठाकरे यांच्या जन्मशताब्दी वर्षाचे औचित्य साधून‌ कबड्डीच्या पंढरीत, श्रमिक जिमखाना मैदानात अखिल भारतीय कबड्डी स्पर्धेचे देखणे, दिमाखादार असे नुकतेच आयोजन केले. रंगतदार, चुरशीच्या, अटीतटीच्या लढतींमुळे गिरणगावातील कबड्डी रसिकांना त्यामुळे या खेळाचा खराखुरा आनंद घेता आला. चाहत्यांची चांगली गर्दी रोजच्या सामन्यांना होती. बऱ्याच मोठ्या अवधीनंतर मुंबईत पुन्हा एकदा अखिल भारतीय कबड्डी स्पर्धेचे बिगुल वाजले. २०१०मध्ये बी. के. फाऊंडेशन आणि महर्षी दयानंद स्पोर्टस् क्लब यांनी संयुक्तपणे काळाचौकी येथे अखिल भारतीय कबड्डी स्पर्धेचे आयोजन केले होते. त्यानंतर...