Homeटॉप स्टोरीट्विटने युद्ध थांबवता...

ट्विटने युद्ध थांबवता येत नाही! इराणने ट्रम्पना सुनावले!!

युद्ध सुरू करणे सोपे आहे. ट्विटने ते थांबवता येत नाही. अमेरिकेला याची किंमत मोजावीच लागेल, अशा शब्दांत इराणचे राष्ट्रीय सुरक्षा सल्लागार अली लारीजानी यांनी अमेरिकेचे राष्ट्राध्यक्ष डोनाल्ड ट्रम्प यांना काल रात्री सुनावले. कालच इराणचे सर्वोच्च नेते आयातुल्लाह मोजतबा खामेनेई यांनीही पहिल्यांदाच एक संदेश जारी केला. अमेरिकी हल्ल्यात शहीद झालेल्या लोकांचा बदला घेतला जाणार, मध्य पूर्व आशियातले अमेरिकेचे सगळे तळ उद्ध्वस्त करणार, होर्मूज सामुद्रधुनी अमेरिका व त्यांच्या मित्रराष्ट्रांसाठी बंदच राहणार आणि या युद्धात झालेले नुकसान अमेरिकेकडून भरून घेणार, असे मोजतबा यांनी आपल्या संदेशात म्हटले आहे.

ट्रम्प

काल रात्रभर अमेरिका आणि इस्त्रायलकडून इराणच्या विविध भागांवर बॉम्बचा वर्षाव होत राहिला तर इराणनेही या हल्ल्याला चोख प्रत्त्युत्तर दिले. अमेरिका तसेच इस्त्रायलकडून लेबनॉन तसेच इराणच्या तेहरान, इस्फहान, करज, कूम, अराक आदी ठिकाणी बॉम्बहल्ले करण्यात आले. इराणने काल रात्री अमेरिकेच्या एका लढाऊ विमानात हवेत इंधन भरणाऱ्या अत्याधुनिक विमानावर ड्रोनहल्ला करत इराकमध्ये पाडल्याचा दावा केला आहे. अमेरिकेने हा अपघात असल्याचे म्हटले आहे. अमेरिकेच्या अब्राहम लिंकन युद्धनौकेवरही इराणकडून हल्ला करण्यात आला. त्याचा व्हिडिओही इराणने जारी केल्याचे कळते. इराकच्या इरबील येथील फ्रान्सच्या लष्करी तळावरही इराणने हल्ला केला. त्यात फ्रान्सचे सहा सैनिक जखमी झाल्याचे समजते. दुबईत बूर्ज खलिफा, या प्रसिद्ध इमारतीनजीक असलेल्या एका वित्तीय केंद्रावरही इराणने हल्ला केला. मनामामधल्या अमेरिकेच्या लष्करी तळालाही इराणने आपले लक्ष्य केले. दुबई, कुवैत, बाहरीन, इराक आदी देशांवर इराणचे हल्ले सुरूच आहेत.

ट्रम्प

दरम्यान, काल रात्री पंतप्रधान नरेंद्र मोदी यांनी इराणचे राष्ट्रपती पेजेश्कियान यांच्याशी दूरध्वनीवर चर्चा केली. आम्ही शांती आणि चर्चेच्या बाजूने आहोत. भारतीयांची सुरक्षा आमच्याकरीता महत्त्वाची आहे, असे आपण त्यांना सांगितल्याचे मोदी यांनी नंतर एका ट्विटद्वारे स्पष्ट केले. इराणने कालपासून होर्मूझच्या सामुद्रधुनीतून भारतीय जहाजांना जाण्यास परवानगी दिल्यानंतर भारतीय जहाजांची होर्मूझ सामुद्रधुनीतली रेलचेल वाढल्याचे बोलले जाते.

इराणच्या ताज्या इशाऱ्यानंतर अमेरिकेच्या विविध शहरांमध्ये इराणकडून ड्रोनहल्ले होण्याची शक्यता गृहित धरून अलर्ट जारी करण्यात आले आहे. तिथली पोलीसयंत्रणा यादृष्टीने कार्यरत झाल्याचे कळते.

Continue reading

रौनक, तन्मय, दिनेश,अमृता ठरले बेंचप्रेस स्पर्धेचे विजेते

पॉवरलिफ्टिंग स्पोर्ट्स असोसिएशन, रायगड यांच्यातर्फे व्ही. के. हायस्कूल, पनवेल येथे दीपक पाटकरच्या स्मरणार्थ आयोजित केलेल्या क्लासिक व इक्विप्ड बेंचप्रेस स्पर्धेत रौनक जितेकर, तन्मय पाटील, दिनेश पवार आणि अमृता भगतने आपापल्या गटांत सर्वोतम लिफ्टरचा मान मिळवला. समस्त पाटकर कुटुंबियांच्या सौजन्याने...

विनय आपटेंच्या स्मृतीदिनानिमित्त लघुपट स्पर्धा

सुप्रसिद्ध दिग्दर्शक, अभिनेते आणि निर्माते दिवंगत विनय आपटे ह्यांच्या १3व्या स्मृतीदिनानिमित्त विनय आपटे प्रतिष्ठान आणि मुंबईतल्या विलेपार्ले येथील साठये महाविद्यालयाच्या संयुक्त विद्यमाने लघुपट (शॉर्ट फिल्म) स्पर्धेचे आयोजन करण्यात आले आहे. शॉर्ट फिल्म पाठवण्याची अंतिम मुदत ३० नोव्हेंबर २०२६ आहे....

वसुबारस आणि भाऊबीज नाहीत दीपावलीचे भाग!

दीपावली हा प्रकाशाचा उत्सव! अज्ञानाच्या अंधःकारातून ज्ञानाच्या प्रकाशाकडे नेणारा सण म्हणजे दिवाळी! दिवाळी हा शब्द दीपावली या शब्दापासून बनला आहे. दीपावली हा शब्द दीप + आवली (रांग, ओळ) असा बनला आहे. त्याचा अर्थ आहे, दिव्यांची रांग किंवा ओळ. दिवाळीला...
Skip to content