Homeडेली पल्सशाळकरी मुलांसाठी गुंतवणुकीची...

शाळकरी मुलांसाठी गुंतवणुकीची सर्वात छोटी SIP योजना लाँच

शाळकरी मुलांना म्युच्युअल फंडाच्या दरमहा गुंतवणूक योजनांच्या (SIP) माध्यमातून शेअर मार्केटशी जोडणारी “तरुण” योजना लाँच करण्यात आली आहे. यातून दरमहा 250 रुपयांपासून गुंतवणूक करणे शक्य होणार आहे. भारतीय रोखे आणि विनिमय मंडळ अर्थात सिक्युरिटीज अँड एक्सचेंज बोर्ड ऑफ इंडिया (SEBI) आणि भारतीय म्युच्युअल फंड संघटना म्हणजेच असोसिएशन ऑफ म्युच्युअल फंड्स इन इंडिया (AMFI) यांच्या सहकार्याने ही योजना राबविली जाणार आहे.

250₹ दर महिना म्हणजेच साधारणतः 8 रुपये रोज इतक्या कमी रकमेपासून गुंतवणुकीची संधी देणारी ही आजवरची सर्वात छोटी SIP योजना लाँच करण्यात आली आहे. शालेय स्तरापासून आर्थिक साक्षरता उपक्रम राबविणे, हा यामागील उद्देश असल्याचे AMFI, “ॲम्फी”चे चेअरमन नवनीत मुनोत यांनी सांगितले. त्यासाठी MITRA पोर्टलही लाँच करण्यात आले आहे. मार्चपासून मित्रा पोर्टल पूर्ण क्षमतेने सुरू होणार आहे.

विद्यार्थ्यांना शेअर मार्केटशी जोडणारा हा तरुण SIP चा फायनान्शिअल लिटरसी उपक्रम सुरुवातीला देशातील 9 जिल्ह्यांत प्रायोगिक तत्त्वावर राबविला जाणार आहे. विविध शाळांतील शिक्षकांनाच प्रशिक्षण देऊन आर्थिक साक्षरता उपक्रमाची जबाबदारी देण्यात येणार आहे. शाळकरी विद्यार्थ्यांसाठी विविध स्पर्धा राबविल्या जाणार असून विजेत्यांना 100 रुपये दरमहिना असे 24 महिन्यांसाठी SIP योजनेचेच बक्षीस दिले जाणार आहे. या उपक्रमातील सर्व योजनांना 2 वर्षे लॉकइन कालावधी राहील, ज्या काळात योजनेत गुंतवलेले पैसे काढून घेता येणार नाहीत. “ॲम्फी”च्या गुंतवणूकदार निधीतून हे उपक्रम राबविले जाणार आहेत.

Continue reading

मुंबईत येत्या २० नोव्हेंबरपासून ३ दिवस रसिकांसाठी संगीताची मेजवानी

हिंदुस्थानी शास्त्रीय संगीताची समृद्ध परंपरा, सुरांची माधुरी आणि स्वरकलेचा अभिजात वारसा जपणाऱ्या मुंबईतल्या दादर माटुंगा सांस्कृतिक केंद्राच्या वतीने यंदाही वार्षिक संगीत महोत्सवाचे भव्य आयोजन करण्यात आले आहे. येत्या २० ते २२ नोव्हेंबर, या कालावधीत रंगणारा हा त्रिदिवसीय संगीत महोत्सव...

अमेरिकेचे अध्यक्ष ट्रम्प होणार व्हेटो अध्यक्ष?

अमेरिकेत नुकत्याच झालेल्या मध्यावधी निवडणुकीत अध्यक्ष डोनाल्ड ट्रम्प यांच्या रिपब्लिकन पक्षाने सपाटून मार खाल्ल्यानंतर ट्रम्प यांचे अध्यक्षपद फक्त नामधारी राहणार आहे. येत्या तीन जानेवारीपर्यंत ट्रम्प यांची सध्याची ध्येयधोरणे अस्तित्त्वात राहतील. मात्र, त्यानंतर त्यांना अमेरिकी काँग्रेस (प्रतिनिधीगृह) तसेच सिनेटमधल्या डेमॉक्रॅटिक...

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...
Skip to content