Homeडेली पल्सनिलगिरी श्रेणीतले ‘तारागिरी’...

निलगिरी श्रेणीतले ‘तारागिरी’ भारतीय नौदलाच्या ताफ्यात

माझगाव डॉक शिपबिल्डिंग लिमिटेडद्वारे बांधलेले निलगिरी श्रेणीतले (प्रकल्प 17अ)मधले चौथे जहाज ‘तारागिरी’ मुंबईत माझगाव डॉक येथे झालेल्या एका कार्यक्रमात भारतीय नौदलाकडे समारंभपूर्वक सुपूर्द करण्यात आले. युद्धनौकेच्या डिझाइन आणि बांधकामातील आत्मनिर्भरतेच्या दिशेने झालेले हे आणखी एक मोठे पाऊल आहे. प्रकल्प 17अ फ्रिगेट्स ही बहुमुखी मोहिमांसाठी तयार केलेली जहाजे असून सागरी क्षेत्रातल्या सध्याच्या आणि भविष्यातल्या आव्हानांना तोंड देण्यासाठी त्यांची रचना करण्यात आली आहे.

तारागिरी, हे पूर्वीच्या आयएनएस तारागिरीचे नवे रूप आहे. ते एक लिएंडर-क्लास फ्रिगेट होते जे 16 मे 1980 ते 27 जून 2013 या कार्यकाळात भारतीय नौदलाच्या ताफ्याचा भाग होते. तब्बल 33 वर्षे त्याने देशासाठी गौरवशाली सेवा दिली. नव्या पिढीचे हे अत्याधुनिक जहाज नौदल डिझाइन, स्टेल्थ, अग्निशक्ती, स्वयंचलन आणि टिकाऊपणाच्या क्षमतेतील एक मोठी झेप मानली जाते. वॉरशिप डिझाइन ब्युरो यांनी याचे डिझाइन केले असून युद्धनौकेची देखरेख मुंबईच्या टीमने केली आहे. एकात्मिक बांधकामाच्या तत्त्वज्ञानावर आधारित, हे जहाज निर्धारित वेळेत बांधून नौदलाकडे सुपूर्द केले गेले आहे.

P17A जहाजे P17 (शिवालिक) वर्गाच्या तुलनेत प्रगत शस्त्रास्त्रे आणि सेन्सर प्रणालीने सुसज्ज आहेत. या जहाजांमध्ये कम्बाइंड डिझेल किंवा गॅस (CODOG) प्रोपल्शन प्रणाली बसवण्यात आली आहे. या प्रणालीत डिझेल इंजिन आणि प्रत्येक शाफ्टवर कंट्रोलेबल पिच प्रोपेलर (CPP) चालवणारे गॅस टर्बाइन आणि अत्याधुनिक इंटिग्रेटेड प्लॅटफॉर्म मॅनेजमेंट सिस्टम (IPMS) यांचा समावेश आहे. शक्तिशाली शस्त्रास्त्र आणि सेन्सर्स संचामध्ये ब्रह्मोस SSM, MFSTAR आणि MRSAM प्रणाली, 76मीमी SRGM, 30मीमी आणि 12.7मीमी क्लोज-इन वेपन सिस्टीमचा समावेश आहे. याशिवाय पाणबुडीविरोधी युद्धासाठी रॉकेटस् आणि टॉर्पेडोदेखील जहाजावर बसवण्यात आले आहेत.

Continue reading

रौनक, तन्मय, दिनेश,अमृता ठरले बेंचप्रेस स्पर्धेचे विजेते

पॉवरलिफ्टिंग स्पोर्ट्स असोसिएशन, रायगड यांच्यातर्फे व्ही. के. हायस्कूल, पनवेल येथे दीपक पाटकरच्या स्मरणार्थ आयोजित केलेल्या क्लासिक व इक्विप्ड बेंचप्रेस स्पर्धेत रौनक जितेकर, तन्मय पाटील, दिनेश पवार आणि अमृता भगतने आपापल्या गटांत सर्वोतम लिफ्टरचा मान मिळवला. समस्त पाटकर कुटुंबियांच्या सौजन्याने...

विनय आपटेंच्या स्मृतीदिनानिमित्त लघुपट स्पर्धा

सुप्रसिद्ध दिग्दर्शक, अभिनेते आणि निर्माते दिवंगत विनय आपटे ह्यांच्या १3व्या स्मृतीदिनानिमित्त विनय आपटे प्रतिष्ठान आणि मुंबईतल्या विलेपार्ले येथील साठये महाविद्यालयाच्या संयुक्त विद्यमाने लघुपट (शॉर्ट फिल्म) स्पर्धेचे आयोजन करण्यात आले आहे. शॉर्ट फिल्म पाठवण्याची अंतिम मुदत ३० नोव्हेंबर २०२६ आहे....

वसुबारस आणि भाऊबीज नाहीत दीपावलीचे भाग!

दीपावली हा प्रकाशाचा उत्सव! अज्ञानाच्या अंधःकारातून ज्ञानाच्या प्रकाशाकडे नेणारा सण म्हणजे दिवाळी! दिवाळी हा शब्द दीपावली या शब्दापासून बनला आहे. दीपावली हा शब्द दीप + आवली (रांग, ओळ) असा बनला आहे. त्याचा अर्थ आहे, दिव्यांची रांग किंवा ओळ. दिवाळीला...
Skip to content