भारतीय रेल्वेत नोकरी मिळवण्याची इच्छा असणाऱ्या तरुणांसाठी मोठी संधी चालून आली आहे. रेल्वे भरती बोर्डाने (आरआरबी) नॉन-टेक्निकल पॉप्युलर कॅटेगरी (एनटीपीसी) अंतर्गत ११,५५८ रिक्त पदांसाठी अधिकृत अधिसूचना प्रसिद्ध केली आहे. या भरतीमध्ये १२वी पास तसेच पदवीधर उमेदवारांसाठी विविध पदांचा समावेश आहे.
पदांचा तपशील (एकूण पदे: ११,५५८)
या भरतीची विभागणी दोन स्तरांवर करण्यात आली आहे:
- पदवीधर उमेदवारांसाठी (८,११० पदे):
- गुड्स ट्रेन मॅनेजर, स्टेशन मास्टर, ज्युनिअर अकाउंट असिस्टंट कम टायपिस्ट, सिनिअर क्लर्क कम टायपिस्ट आणि चीफ कमर्शियल कम तिकीट सुपरवायझर.
पात्रता: मान्यताप्राप्त विद्यापीठाची कोणतीही पदवी.
- १२वी पास उमेदवारांसाठी (३,४४८ पदे):
- कमर्शियल कम तिकीट क्लर्क, ज्युनिअर क्लर्क कम टायपिस्ट, अकाउंट्स क्लर्क कम टायपिस्ट आणि ट्रेन्स क्लर्क.
पात्रता: ५०% गुणांसह १२ वी उत्तीर्ण.
वयोमर्यादा आणि सवलत
पदवीधर पदांसाठी: १८ ते ३६ वर्षे.
बारावी पास पदांसाठी: १८ ते ३३ वर्षे.
- (वयोमर्यादेत एससी/एसटी उमेदवारांना ५ वर्षे आणि ओबीसी उमेदवारांना ३ वर्षांची सवलत दिली जाईल.)
निवडप्रक्रिया कशी असेल?
उमेदवारांची निवड दोन टप्प्यांतील संगणक आधारित परीक्षा (सीबीटी १ आणि सीबीटी २)द्वारे केली जाईल. त्यानंतर पदाच्या आवश्यकतेनुसार टायपिंग टेस्ट किंवा अ‍ॅप्टिट्युड टेस्ट घेतली जाईल आणि शेवटी कागदपत्र पडताळणी व वैद्यकीय चाचणी होईल.
अर्ज शुल्क
सामान्य/ओबीसी प्रवर्ग: ५०० रुपये (परीक्षेनंतर ४०० रुपये रिफंड मिळतील).
एससी/एसटी/महिला/माजी सैनिक/ईडब्ल्यूएस: २५० रुपये (परीक्षेनंतर पूर्ण शुल्क रिफंड मिळेल).
महत्त्वाच्या बाबी आणि लिंक
अर्ज करण्याची पद्धत: ऑनलाइन (रेल्वेच्या अधिकृत प्रादेशिक वेबसाईटवर).
अधिकृत वेबसाईट: https://www.rrbcdg.gov.in किंवा तुमच्या विभागाच्या (उदा. आरआरबी मुंबई) वेबसाईटवर भेट द्या.
सुधारणा: उमेदवारांनी अर्जात काही चूक केल्यास ‘करेक्शन विंडो’चा वापर करून ठराविक शुल्क भरून दुरुस्ती करता येईल.
महत्त्वाची टीप: इच्छुक उमेदवारांनी अर्ज भरण्यापूर्वी अधिकृत जाहिरात काळजीपूर्वक वाचावी. रेल्वेने रिक्त पदांच्या संख्येत आणि अर्ज करण्याच्या तारखांमध्ये वेळोवेळी बदल केल्याने अधिकृत वेबसाईटवर लक्ष ठेवण्याचे आवाहन करण्यात आले आहे.
