Homeकल्चर +'जीव' आणि 'एप्रिल...

‘जीव’ आणि ‘एप्रिल मे ९९’ कान्स महोत्सवात!

फ्रान्समध्ये आयोजित होणाऱ्या प्रतिष्ठित कान्स आंतरराष्ट्रीय चित्रपट महोत्सवातील ‘फिल्म मार्केट’ विभागासाठी ‘जीव – द क्रिएचर’ आणि ‘एप्रिल मे ९९’ या दोन मराठी चित्रपटांची निवड करण्यात आली आहे. जागतिक चित्रपटसृष्टीचे लक्ष वेधून घेणाऱ्या या व्यासपीठावर मराठी चित्रपटांची झालेली ही निवड राज्याच्या सांस्कृतिक वैभवात भर टाकणारी ठरली आहे. महाराष्ट्र चित्रपट, रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील यांनी यासंदर्भात अधिकृत घोषणा केली. हे महामंडळ राज्य शासनाच्या सांस्कृतिक कार्य विभागांतर्गत कार्यरत असून, मराठी चित्रपटसृष्टीला आंतरराष्ट्रीय स्तरावर प्रोत्साहन देण्याचे काम करते.

कान्स महोत्सवातील ‘फिल्म मार्केट’ हा विभाग चित्रपट निर्माते, वितरक आणि जागतिक खरेदीदारांसाठी अत्यंत महत्त्वाचा मानला जातो. येथे निवड झाल्यामुळे या चित्रपटांना आंतरराष्ट्रीय वितरण आणि प्रदर्शनासाठी मोठी संधी उपलब्ध होणार आहे. राज्यशासनाच्या सांस्कृतिक कार्य विभागामार्फत या चित्रपटांच्या निवडीसाठी प्रक्रिया राबवण्यात आली होती. तांत्रिक दर्जा आणि आशयसंपन्नता या निकषांवर हे चित्रपट पात्र ठरले आहेत. मराठी चित्रपटांना जागतिक बाजारपेठ मिळावी आणि मराठी संस्कृती सातासमुद्रापार पोहोचावी, या उद्देशाने महामंडळ सातत्याने प्रयत्नशील असते. या निवडीबद्दल चित्रपट क्षेत्रातील मान्यवरांकडून आनंद व्यक्त केला जात असून, आगामी काळात कान्समध्ये होणाऱ्या प्रदर्शनाकडे सर्वांचे लक्ष लागले आहे. मराठी सिनेमाचा दर्जा आणि विषयांची विविधता यामुळे जागतिक स्तरावर पुन्हा एकदा महाराष्ट्राचा डंका वाजणार आहे.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content