केंद्र सरकारने केंद्रीय चित्रपट प्रमाणन मंडळाची (सेंसॉर बोर्ड) तत्काळ प्रभावाने पुढच्या तीन वर्षांच्या कालावधीसाठी किंवा पुढचा आदेश येईपर्यंत, यापैकी जो आधीचा कालावधी असेल त्या मुदतीसाठी पुनर्रचना केली आहे. या पुनर्रचनेत अभिनय क्षेत्रातले दिग्गज विद्या बालन, गौतमी तडीमल्ला, वाणी त्रिपाठी टिकू तसेच जीविथा राजसेखर यांना आणि चित्रपट निर्माते विवेक अग्निहोत्री यांना डच्चू देण्यात आला आहे. त्याचबरोबर या मंडळावर अभिनय क्षेत्रातल्या प्रीती झिंटा, सुनील शेट्टी, पंकज त्रिपाठी यांची वर्णी लागली आहे.
चित्रपट अधिनियमांतर्गत मिळालेल्या अधिकारांचा वापर करून केंद्र सरकारने ही पुनर्रचना केली आहे. केंद्रीय माहिती आणि प्रसारण मंत्रालयाद्वारे काल मंडळाच्या या पुनर्रचनेबाबतची अधिसूचना जारी करण्यात आली आहे.
पुनर्रचित केंद्रीय चित्रपट प्रमाणन मंडळातले आताचे 18 सदस्य पुढीलप्रमाणे-
| अ. क्र. | सदस्याचे नाव |
| 1 | विनोद अनुपम |
| 2 | मनोज जोशी |
| 3 | अभिषेक जैन |
| 4 | रिकी केज |
| 5 | प्रियदर्शन |
| 6 | सुनील शेट्टी |
| 7 | हंसराज हंस |
| 8 | सुप्रिया यारलागड्डा |
| 9 | यतींद्र मिश्रा |
| 10 | रुपाली गांगुली |
| 11 | प्रीती झिंटा |
| 12 | नील माधव पंडा |
| 13 | पंकज त्रिपाठी |
| 14 | प्रसन्नजित चॅटर्जी |
| 15 | पल्लवी जोशी |
| 16 | निशिगंधा वाड |
| 17 | वामन केंद्रे |
| 18 | रमेश पतंगे |
