Homeटॉप स्टोरी२७ जानेवारीला बँकांचा...

२७ जानेवारीला बँकांचा देशव्यापी संप?

पाच दिवसांचा आठवडा लागू करण्याच्या प्रमुख मागणीसाठी देशभरातील बँक कर्मचारी व अधिकारी येत्या २७ जानेवारीला देशव्यापी संपावर जाणार असल्याची घोषणा युनायटेड फोरम ऑफ बँक युनियन्स (UFBU)च्या वतीने करण्यात आली.

या मागणीसाठी काल मुंबईतील आझाद मैदानात सकाळी ११ ते दुपारी २ वाजेपर्यंत धरणे आंदोलन आयोजित करण्यात आले होते. या आंदोलनात २००हून अधिक बँक कर्मचारी व अधिकाऱ्यांनी उत्स्फूर्त सहभाग नोंदवला. यावेळी उपस्थितांनी सरकारच्या भूमिकेचा तीव्र निषेध करत जोरदार घोषणाबाजी केली. या आंदोलनाला संबोधित करताना युनायटेड फोरम ऑफ बँक युनियन्सचे निमंत्रक कॉ. देविदास तुळजापूरकर यांनी सांगितले की, बँकर्सनी मान्य केलेल्या पाच दिवसांच्या आठवड्याच्या मुद्द्यावर सरकार गेली दोन वर्षे जाणीवपूर्वक मौन बाळगत आहे. रिझर्व्ह बँक, नाबार्ड, सेबी तसेच केंद्र व राज्य सरकारांच्या कार्यालयांमध्ये पाच दिवसांचा आठवडा लागू असताना, फक्त बँक कर्मचाऱ्यांनाच त्यापासून वंचित ठेवणे ही सरकारची आडमुठेपणाची भूमिका आहे. या अन्यायाविरोधात देशभरातील दहा लाखांहून अधिक बँक कर्मचारी व अधिकारी २७ जानेवारी रोजी संपावर जातील.

या धरणे कार्यक्रमाला AIBOC च्या वतीने निलेश पवार, NCBE च्या वतीने वायबर अँटोनी, AIBOA च्या वतीने फ्रान्सिस, INBOC च्या वतीने सेबॅस्टिन, NOBO च्या वतीने योगेश बिडकर तसेच INBEF च्या वतीने स्नेहल पेटकर यांनी संबोधित केले. कार्यक्रमाचा समारोप AIBEA च्या वतीने कॉ. एन. शंकर आणि ललिता जोशी यांनी केला.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content