Homeकल्चर +'मुड्स - Unpredictable'चे...

‘मुड्स – Unpredictable’चे पहिले पोस्टर लाँच!

नात्यातील काही प्रश्न अनुत्तरित राहिले. योग्यवेळी योग्य सुसंवाद झाला नाही तर त्या नात्यातील सुंदरता आपण गमावून बसतो. वेळप्रसंगी नात्यात टोकाचा दुरावा निर्माण होतो. विसंवादातून एखाद्या व्यक्तीचे जीवन नीरस होऊ शकते. अशाच एका नातेसंबंधांतील संवेदनशील विषयावर सकारात्मक भाष्य करणारा सायको थ्रीलर चित्रपट प्रेक्षकांच्या भेटीला येत आहे. ‘मुड्स – Unpredictable’ असे या आगामी मराठी चित्रपटाचे नाव असून या मराठी चित्रपटाचे पहिले पोस्टर नुकतेच पुण्यात लाँच झाले.

एस स्क्वेअर एन्टरटेनमेंट प्रस्तुत ‘मुड्स – Unpredictable’ या चित्रपटाच्या पोस्टर लाँचच्या वेळी चित्रपटाचे निर्माते संतोष चव्हाण, श्रावणी चव्हाण, अखिल भारतीय मराठी चित्रपट महामंडळाचे अध्यक्ष मेघराज राजेभोसले, चित्रपटांचे लेखक, दिग्दर्शक महेंद्र बोरकर, अभिनेता रितेश नगराळे आदी मान्यवर उपस्थित होते.

महेंद्र बोरकर यांचे या चित्रपटाच्या माध्यमातून चित्रपट दिग्दर्शक म्हणून पदार्पण होत असले तरी बोरकर मागील 20 वर्षांपासून मनोरंजन विश्वात कार्यरत आहेत. एकांकिका, प्रायोगिक रंगभूमी, व्यावसायिक नाटक तसेच विविध मालिकांचे लेखक, दिग्दर्शक म्हणून त्यांनी प्रेक्षकांची दाद मिळविली आहे.

आगामी ‘मुड्स – Unpredictable’ या चित्रपटाबद्दल बोलताना बोरकर म्हणाले की, आयुष्याला पॉझिटिव्ह एनर्जी देणारी ही कथा आहे. हल्ली आपण फार यांत्रिक म्हणजे रोबोटसारखे जीवन जगतोय. संवेदनशीलता हरवून चाललीय. कोणतेही नाते टिकण्यासाठी, फुलण्यासाठी संवाद खूप महत्त्वाचा असतो. नात्यात सुसंवाद नसेल तर ते नाते, रिलेशनशिप फक्त नावाला असते.

एखादी वाईट घटना घडली म्हणजे संपूर्ण आयुष्यच वाईट नाही. आयुष्य अधिक सुंदर कसे करता येईल, नाते कसे फुलवता येईल हे मनोरंजक पद्धतीने सांगितलेली गोष्ट म्हणजे हा चित्रपट होय. हा चित्रपट प्रत्येकाला नात्याबद्दल नवीन विचार देईल. मुड्स.., या सायको थ्रिलरनंतर महेन्द्र बोरकर तरुणाईला समर्पित ‘बॉईज वर्सेस गर्ल्स’ हा नवीन चित्रपट घेऊन येणार आहेत. बॉईज वर्सेस गर्ल्स, ही धमाल कॉमेडी आणि फुल मनोरंजनाची मेजवानी असेल. आपल्याला वय विसरून प्रेमात पाडणारी गोष्ट असेल.

अ. भा. मराठी चित्रपट महामंडळाचे अध्यक्ष मेघराज राजेभोसले म्हणाले की, कोरोना काळानंतर आता नवनवीन चित्रपट तयार व्हावेत, निर्मात्यांनी पुढे यावे आणि चित्रपटसृष्टीचे काम पुन्हा जोमावे सुरू व्हावे अशी आमची इच्छा आहे. चित्रपट महामंडळ सर्व चित्रपट निर्मात्यांच्या पाठीशी खंबीरपणे उभे राहील.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content