Homeचिट चॅटविसडम चेस स्पर्धेत...

विसडम चेस स्पर्धेत अधवान, कथितचे नॉनस्टॉप जेतेपद

शाळेची सुट्टी संपण्यापूर्वी शालेय बुद्धिबळपटूंसाठी विसडम चेस अॅकॅडमीने आयोजित केलेल्या दुसऱ्या चेस मास्टर्स बुद्धिबळ स्पर्धेला खेळाडूंचा उत्स्फूर्त सहभाग लाभला. ७ वर्षांखालील गटात अधवान ओसवाल आणि ८ वर्षांखालील गटात कथित शेलारने नॉनस्टॉप सहा विजय नोंदवत अव्वल सहा गुणांसह बाजी मारली तसेच विविध सहा गटांत निधिष खोपकर, गिरिषा पै, एडन लसराडो, आर्यन पांडे, विराज राणे आणि रुद्र कांडपाल यांनी पहिले स्थान पटकावत यश संपादले.

शालेच बुद्धिबळपटूंना आपल्याच वयोगटातील मुलांविरुद्ध बुद्धिकौशल्य दाखवता यावे म्हणून फिडे आर्बिटर आणि आयोजक अक्षय सावंतने मुंबई उपनगर जिल्हा बुद्धिबळ संघटनेच्या मान्यतेने आयोजित केलेल्या या स्पर्धेत तब्बल ४००पेक्षा अधिक खेळाडूंचा सहभाग लाभला आणि त्यापैकी १२० खेळाडूंना रोख पुरस्कार आणि आकर्षक बक्षिसे देऊन गौरविण्यात आले. एकंदर ८ वयोगटात खेळविण्यात आलेल्या या स्पर्धेत प्रत्येक गटात अव्वल स्थानासाठी जोरदार चुरस पाहायला मिळाली. अपवाद अधवान ओसवाल आणि कथित शेलार या बालबुद्धिबळपटूंचा. त्यांनी आपल्या गटात सर्वच प्रतिस्पर्ध्यांवर सहज मात करत गटविजेतेपद पटकावले. उर्वरित सहा गटांत एकाही खेळाडूला सलग सहा विजय नोंदविता आले नाहीत.

६ वर्षांखालील गटात निधिष खोपकर ४.५ गुणांसह पहिला आला तर ९ वर्षांखालील गटात राज्य अजिंक्यपद मिळवणारी गिरिषा पै अव्वल ठरली. ती आणि डायटीन लोबो यांनी प्रत्येकी ५.५ गुण मिळवले होते आणि दोघांचे गुण समान असल्यामुळे सरस गुणांच्या आधारे गिरिषाला प्रथम क्रमांक देण्यात आला. ११ वर्षांखालील गटातही आर्यन पांडे आणि अश्वी अगरवाल यांच्यात समान गुणसंख्येनंतर आर्यन पहिला आला. १३ वर्षांखालील गटातही विराज राणे आणि आदित्य कदम यांच्यात अव्वल स्थान सरस गुणांच्या आधारे ठरले. या स्पर्धेत पहिल्या पाच क्रमांकांना अनुक्रमे ४, ३, २, १.५ आणि १ हजारांचे रोख इनाम देण्यात आले. तसेच प्रत्येक गटातून एका सर्वोत्तम गुण मिळवणाऱ्या मुलीला रोख २१०० रुपयांचे इनाम देऊन गौरविण्यात आले.

स्पर्धेचा पुरस्कार सोहळा वालिया महाविद्यालयाचे विश्वस्त भारत वालिया यांच्या हस्ते पार पडला.

मुंबई मास्टर्स बुद्धिबळ स्पर्धेचा निकाल-

६ वर्षांखालील: १. निधीष खोपकर २. कियांश गुप्ता ३. कृतिन सिंग, ४. रियान मुणगेकर, ५. अवीर शाह, सर्वोत्तम मुलगी: कायरा अगरवाल.

७ वर्षांखालील: १. अधवान ओसवाल २. आरव देशमुख, ३. राजवीर घुमान, ४. अवीर शाह, ५. नीव चौहान, सर्वोत्तम मुलगी: इमिली दास.

८ वर्षांखालील: १. कथित शेलार, २. डायटीन लोबो, ३. जियांश शाह, ४. आरव देशमुख, ५. अगस्त्य पटवा, सर्वोत्तम मुलगी: इमिली दास.

९ वर्षांखालील: १. गिरिषा पै, २. डायटीन लोबो, ३. रियांश बोराडे ४. कथित शेलार, ५. आरव धामापुरकर, सर्वोत्तम मुलगी: ओमिशा आनंद.

१० वर्षांखालील: १. एडन लासराडो, २. गिरिषा पै, ३.लक्ष परमार, ४. देवांश डेकटे, ५. रियांश बोराटे, सर्वोत्तम मुलगी: अश्वी अगरवाल.

११ वर्षांखालील: १. आर्यन पांडे, २. अश्वी अगरवाल, ३.देवांश डेकटे, ४. गौरव बोरसे, ५. धैर्य बिजलवान, सर्वोत्तम मुलगी: आस्था पाणीग्रही.

१३ वर्षांखालील: १. विराज राणे, २. आदित्य कदम, ३. यश टंडन, ४. आरुष नाडर, ५.अगस्त्य खानका, सर्वोत्तम मुलगी: आध्या वर्दे.

१५ वर्षांखालील: १. रुद्र कांडपाल, २. हृदय मणियार, ३.शौर्य खाडिलकर, ४. विराज राणे ५.शिवांक झा, सर्वोत्तम मुलगी: मान्य बालानी.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content