Homeकल्चर +'अभिजात साहित्याचे अक्षरविश्व' प्रकाशित

‘अभिजात साहित्याचे अक्षरविश्व’ प्रकाशित

सुप्रसिद्ध साहित्यिक राजीव श्रीखंडे लिखित आणि ग्रंथालीच्या वतीने प्रकाशित ‘अभिजात साहित्याचे अक्षरविश्व’, या पुस्तकाचे प्रकाशन ज्येष्ठ पत्रकार कुमार केतकर, विजय कुवळेकर, संजीवनी खेर आणि दिनकर गांगल यांच्या हस्ते मुंबईतल्या दादर माटुंगा सांस्कृतिक केंद्राच्या सभागृहात नुकतेच झाले.

या पुस्तकात १५३२ ते २००१ या कालावधील जगभरातील साहित्यकृतींचा आढावा घेण्यात आला आहे. संजीवनी खेर यांनी पुस्तकाचे महत्त्व अधोरेखित केले तर विजय कुवळेकर यांनी पुस्तकाचे सखोल विश्लेषण केले. जागतिक साहित्यातील अभिजात साहित्याच्या शाश्वत वारशावर भर देत, त्यांच्या लेखकांच्या अनुभवांच्या समृद्धतेने या कलाकृतींना मोठ्या उंचीवर नेले आहे असे त्यांनी सांगितले. पूर्वी समाजात परिवर्तनाचे मोलाचे कार्य साहित्यकृतींनी केले आहे. त्यामुळे या साहित्यकृती आपण या पुस्तकातून समजून घेतल्या पाहिजेत, असे विचार दिनकर गांगल यांनी व्यक्त केले. अजरामर आणि अभिजात साहित्यिककृती उपयुक्त असून तिच्यातील समाजबदलाचे संदर्भ आजही आपल्याला अभ्यासता येतात. त्यामुळे अशा साहित्यकृतींना एकत्रित ठेवण्याची किमया साध्य करणारे हे पुस्तक निश्चितच पुढच्या पिढीसाठीही महत्त्वाचे आहे, असे कुमार केतकर म्हणाले.

वाचनाचा छंद आणि साहित्याची आवड यातून जगभरातील पुस्तकांच्या संपर्कात आलो. वाचन वाढत गेले आणि त्यातूनच मग जगभरातील मान्यवरांच्या पुस्तकांचा आढावा घेणारा हा ग्रंथ निर्माण करता आला, असे विचार लेखक राजीव श्रीखंडे यांनी मांडले. सुदेश हिंगलासपूरकर यांनी प्रास्ताविकात ग्रंथालीविषयी आणि सध्याच्या उपक्रमांविषयीची माहिती दिली. कार्यक्रमाचे सूत्रसंचालन डॉ. अरुंधती भालेराव यांनी केले. या कार्यक्रमाच्या निमित्ताने मान्यवर साहित्यिक रसिकांची एक सुरेख मैफल जमली होती.

Continue reading

अमेरिकेचे अध्यक्ष ट्रम्प होणार व्हेटो अध्यक्ष?

अमेरिकेत नुकत्याच झालेल्या मध्यावधी निवडणुकीत अध्यक्ष डोनाल्ड ट्रम्प यांच्या रिपब्लिकन पक्षाने सपाटून मार खाल्ल्यानंतर ट्रम्प यांचे अध्यक्षपद फक्त नामधारी राहणार आहे. येत्या तीन जानेवारीपर्यंत ट्रम्प यांची सध्याची ध्येयधोरणे अस्तित्त्वात राहतील. मात्र, त्यानंतर त्यांना अमेरिकी काँग्रेस (प्रतिनिधीगृह) तसेच सिनेटमधल्या डेमॉक्रॅटिक...

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...

आंतरमहाविद्यालयीन तायक्वांदो स्पर्धेत खालसा कॉलेज चमकले!

महाराष्ट्रातल्या रत्नागिरी येथील गोगटे-जोगळेकर महाविद्यालयात आयोजित करण्यात आलेल्या मुंबई विद्यापीठाच्या आंतरमहाविद्यालयीन तायक्वांदो स्पर्धेत माटुंगा येथील गुरु नानक खालसा महाविद्यालयाच्या खेळाडूंनी उल्लेखनीय कामगिरी करत ७ सुवर्ण, ३ रौप्य आणि ३ कांस्य अशी एकूण १३ पदके पटकावली. या उत्कृष्ट कामगिरीच्या जोरावर...
Skip to content