Homeचिट चॅटदिव्यांग मुलांच्या ॲथलेटिक्स...

दिव्यांग मुलांच्या ॲथलेटिक्स स्पर्धेत पालघर जिल्ह्याची चमक

स्पेशल ऑलिंपिक भारत आणि जिल्हा दिव्यांग सक्षमीकरण विभाग नागपूर यांच्यातर्फे किड्स महाविद्यालय, रामटेक नागपूर येथे नुकत्याच आयोजित करण्यात आलेल्या दिव्यांग मुलांच्या राज्यस्तरीय ॲथलेटिक्स स्पर्धेत पालघर जिल्ह्याने चमकदार कामगिरी करताना एकूण १० पदकांची कमाई केली. त्यामध्ये ३ सुवर्ण, ५ रौप्य, २ कांस्य पदकांचा समावेश आहे.

त्यांचे ८ खेळाडू या स्पर्धेत सहभागी झाले होते. २५०पेक्षा जास्त खेळाडूंनी या स्पर्धेत भाग घेतला. स्पर्धेचे उद्घाटन महाराष्ट्राचे राज्यमंत्री ऍड. आशिष जयस्वाल यांच्या हस्ते करण्यात आले. पदकविजेत्या खेळाडूंचे पालघर जिल्ह्याचे समन्वयक विलास कोंगिलसर यांनी विजेत्यांचे खास अभिनंदन केले आहे.

पालघर जिल्ह्याचे पदकविजेते खेळाडू-

सुवर्ण: ओबेद डायस, सीता रावते, कल्याणी घाटाल

रौप्य: अथर्व चंदनशिवे, वर्षा शेणेरा, प्रिती भोये, आयुष दुडम

कांस्य: ओबेद डायस, अथर्व चंदनशिवे

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content