Homeन्यूज ॲट अ ग्लांसहरयाणाततल्या प्रचारात विनेश...

हरयाणाततल्या प्रचारात विनेश फोगट काँग्रेसच्या व्यासपीठावर?

पॅरिस ऑलिम्पिकमध्ये सुवर्ण पदकाला गवसणी घालण्याच्या प्रयत्नात अपयशी ठरलेली कुस्तीपटू विनेश फोगटला हरयाणा विधानसभा निवडणुकीत आपल्याबरोबर घेण्याचा प्रयत्न काँग्रेसने चालविल्याचे चित्र दिसत आहे.

दोनच दिवसांपूर्वी हरयाणा विधानसभेच्या निवडणुकांच्या तारखा जाहीर झाल्या. या घोषणेच्या दुसऱ्याच दिवशी पॅरिस ऑलिम्पिकसाठी गेलेली विनेश फोगट परतली. १०० ग्रॅम वजन जास्त भरल्यामुळे ५० किलो वजनी कुस्तीच्या गटाच्या फायनल लढतीतून ती बाद झाली होती. यामुळे तिला कोणतेही पदक मिळाले नाही. तरीही आमच्यासाठी तूच विनर आहे, अशी भूमिका केंद्र सरकारपासून सर्व भारतीयांनी घेतली आणि त्याच थाटात दिल्ली विमानतळावर विनेशचे स्वागत करण्यात आले.

विनेश

दिल्ली विमानतळावरून हरयाणातल्या तिच्या घरापर्यंत भव्य अशी विनेशची स्वागतयात्रा काढण्यात आली. यावेळी तिच्याबरोबर स्वागतरथावर कुस्तीपटू साक्षी मलिक आणि बजरंग पुनिया होते. भारतीय कुस्ती महासंघाचे वादग्रस्त माजी अध्यक्ष बृजभूषण सिंह यांच्याविरोधात लैंगिक शोषणाच्या आरोपाखाली दिल्लीत झालेल्या आंदोलनात हेच तीन कुस्तीपटू एकत्र होते. काल विनेशच्या स्वागतयात्रेतही हेच तीन कुस्तीपटू एकत्र दिसले. मात्र, यावेळी या तिघांसोबत काँग्रेसचे हरयाणातले खासदार दीपेंद्र हुड्डाही हजर होते. हरयाणात विधानसभा निवडणुका जाहीर झाल्यानंतर काँग्रेसच्या खासदारांना स्वागतरथावर स्थान मिळाल्यामुळे नजीकच्या काळात निवडणूक प्रचारात काँग्रेसच्या व्यासपीठावर विनेश फोगट दिसणार का, याकडे साऱ्यांचे लक्ष लागले आहे.

Continue reading

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...

कार-बाईक मालकांसाठी खुशखबर; नव्या वाहनांसाठी ३ वर्षांची पीयूसी

कार आणि बाईकच्या मालकांना आता दरवर्षी प्रदूषण नियंत्रण प्रमाणपत्र (पीयूसी) घेण्याची झंझट संपणार आहे. केंद्रीय रस्ते वाहतूक आणि महामार्ग मंत्रालयाने १३ नोव्हेंबर २०२६ रोजी अधिसूचित केलेले केंद्रीय मोटार वाहन (१६वे संशोधन) नियम, २०२६ आता राजपत्रात प्रसिद्ध झाल्याने लागू झाले...
Skip to content