Homeटॉप स्टोरीइराकमधून अमेरिकेची संपूर्ण...

इराकमधून अमेरिकेची संपूर्ण सैन्यवापसी!

अमेरिकेने इराकमधून आपले सर्व सैन्य माघारी बोलावण्याचा निर्णय घेतला असून, ३० सप्टेंबर २०२६पर्यंत सर्व अमेरिकन सैनिक मायदेशी परततील. इराकचे पंतप्रधान मोहम्मद शिया अल-सुदानी आणि अमेरिकन सेंट्रल कमांड यांच्यात झालेल्या चर्चेनंतर या निर्णयावर शिक्कामोर्तब करण्यात आले आहे. या माघारीमुळे २००३मध्ये सुरू झालेली आणि विशेषतः २०१४मध्ये इसिसच्या वाढत्या धोक्यानंतर पुन्हा तीव्र झालेली अमेरिकेची तब्बल २३ वर्षे जुनी लष्करी मोहीम अधिकृतपणे संपुष्टात येणार आहे. गेल्या वर्षीच अमेरिकेने इराकच्या बहुतांश भागांतून आपले लष्करी तळ रिकामे केले होते आणि केवळ उत्तरेकडील कुर्दिश प्रांतात त्यांचे काही सैनिक तैनात होते.

आता इराकी सुरक्षा दले स्वतःच्या देशाचे संरक्षण करण्यास पूर्णपणे सक्षम असल्याचा विश्वास अमेरिकेने व्यक्त केला आहे. इराक आणि सीरियामध्ये इसिसविरुद्धचे प्रत्यक्ष युद्ध यापूर्वीच संपले असून, सध्या उरलेले अमेरिकन सैनिक केवळ प्रशिक्षण आणि सल्लागाराच्या भूमिकेत तेथे उपस्थित होते. ३० सप्टेंबर २०२६पर्यंत सैन्य माघारीची अंतिम प्रक्रिया पूर्ण झाल्यानंतर, अमेरिकेचे इराकमधील लष्करी वर्चस्व संपुष्टात येईल. मात्र, प्रत्यक्ष लष्करी उपस्थिती नसली तरी भविष्यात अमेरिका आणि इराक यांच्यातील सुरक्षा आणि दहशतवादविरोधी सहकार्य एका नव्या स्वरूपात कायम राहण्याची शक्यता आहे.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content