Tag: Mahavikas Aaghadi

रविवारी निवडणुकीची मतमोजणी सहसा होत नाही. यावेळी ती झाली. याचे कारण आधीच निकाल लांबले होते, त्यात आणखी उशीर नको होता. २ डिसेंबरला मतदान होऊन गेलेल्या दोनशेहून अधिक नगरपालिका आणि नगर पंचायतींमधील राजकीय पक्षांचे नेते, कार्यकर्ते आणि उमेदवार सारेच निकाल लागत नाही म्हणून हैराण होते. त्याचवेळी, डझनावारी शहरांमध्ये मतदान बाकी असताना, इतर शहरांतील निकाल आधीच लागू नयेत, अशी भावना न्यायालयाने व्यक्त केली होती.  निवडणूक आयोगाने उर्वरीत शहरांतील मतदान शनिवारी घेतले आणि लगेच रविवारी सर्वत्र मतमोजणी करून घेतली हे बरेच झाले. २४६ नगरपालिका आणि ४२ नगरपंचायतींमधील २८८ नगराध्यक्षपदांसाठीचे तसेच त्यातील ६८५९ नगरसेवकपदांचे...