Tag: Azad Maidan

सिटूशी संलग्न विविध विभागातील कामगार संघटनांचे आक्रोश ठिय्या आंदोलन आझाद मैदान, मुंबई येथे कालपासून सुरू झाले आहे. काल आंदोलनाच्या पहिल्या दिवशी एकात्मिक बालविकास सेवा योजना (आयसीडीएस), राष्ट्रीय आरोग्य अभियान (एनएचएम) आणि पंतप्रधान मध्यान्न भोजन योजना (पीएम मिड-डे मील) इत्यादी योजना तळागाळातील जनतेपर्यंत, विशेषतः महिला व बालकांपर्यंत घेऊन जाणाऱ्या योजना कर्मचाऱ्यांनी आपल्या न्याय्य मागण्यांसाठी निदर्शने केली. अंगणवाडी सेविका, मदतनीस, आशा व गटप्रवर्तक, शालेय पोषण आहार कामगार हे सर्व योजना कर्मचारी या आंदोलनात मोठ्या संख्येने सहभागी झाले होते. अंगणवाड्या ज्या योजनेअंतर्गत सुरू झाल्या, त्या एकात्मिक बालविकास सेवा योजनेला २ ऑक्टोबर २०२५ रोजी...