Homeन्यूज ॲट अ ग्लांसबँकांना प्रादेशिक भाषेचा...

बँकांना प्रादेशिक भाषेचा वापर करण्याची नव्याने सूचना

केंद्र सरकारच्या वित्तीय सेवा विभागाने सार्वजनिक क्षेत्रातील बँकांना बँकांमध्ये ग्राहक सेवेत प्रादेशिक भाषांचा वापर करण्याबाबत आरबीआयच्या सूचनांचे पालन करण्याचे सूचित केले आहे. आरबीआयने शेड्यूल कमर्शियल बँकांशी संवाद साधताना, ग्राहकांना दिले जाणारे सर्व संदेश नेहमीच हिंदी, इंग्रजी आणि प्रादेशिक भाषेत, असे त्रिभाषिक स्वरूपात जारी केले जावेत, पुन्हा सांगितले आहे. केंद्रीय अर्थ राज्यमंत्री पंकज चौधरी यांनी काल राज्यसभेत एका प्रश्नाच्या लेखी उत्तरात ही माहिती दिली.

बँकांमध्ये ग्राहकांना दिल्या जाणाऱ्या सेवांबाबत भारतीय रिझर्व्ह बँकेने जारी केलेल्या मार्गदर्शक सूचनांमध्ये प्रादेशिक भाषांच्या वापराबाबत सर्वसमावेशक दिशानिर्देश देण्यात आले आहेत. त्याला अनुसरून बँका प्रादेशिक गरजेनुसार आपल्या सेवा वितरणाची आखणी करू शकतात. बँकांना शाखांच्या सामान्य व्यवस्थापनासाठी बोर्डाने मंजूर केलेले धोरण स्वीकारण्याची सूचना देण्यात आली आहे. यात इतर गोष्टींबरोबरच, सर्व काउंटरवर इंडिकेटर बोर्ड लावणे, ग्राहकांना बँकेत उपलब्ध असलेल्या सेवासुविधांच्या सर्व तपशीलांसह पुस्तिका उपलब्ध करणे, किरकोळ ग्राहकांना ओपनिंग फॉर्म, पे-इन-स्लिप, पासबुक यासारखे सर्व छापील साहित्य उपलब्ध करून देणे, हिंदी, इंग्रजी आणि संबंधित प्रादेशिक भाषेत ग्राहकांसाठी साहित्याची उपलब्धता, आदींचा समावेश आहे. बँकिंग सेवा प्रदान करण्यासाठी आणि प्रादेशिक भाषांमध्ये सहाय्य देण्यासाठी बँकांची बहुभाषिक संपर्क केंद्रे आणि डिजिटल चॅनेल उपलब्ध आहेत, अशी माहितीही त्यांनी दिली.

दरम्यान, ग्रामीण आणि निमशहरी केंद्रांमध्ये स्थानिक ग्राहकांशी, त्यांच्या स्थानिक भाषेत प्रभावीपणे संवाद साधता यावा, यासाठी बँकांनी स्थानिक उमेदवारांची बँक अधिकारी म्हणून भरती करण्याचे धोरण स्वीकारावे आणि सार्वजनिक बँकांनीदेखील याचा सक्रिय पाठपुरावा करावा, अशी सूचना इंडियन बँक्स असोसिएशनने सर्व सार्वजनिक बँकांना पाठवलेल्या पत्राद्वारे केली आहे.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content