येत्या १४ ते १८ मार्च दरम्यान ‘मेघालय आंतरराष्ट्रीय चित्रपट महोत्सव’चे आयोजन करण्यात आले आहे.
मेघालय आंतरराष्ट्रीय चित्रपट महोत्सवाचे अध्यक्ष कमांडर शांगप्लियांग यांनी नुकतीच याची घोषणा केली. मेघालय अतिशय निसर्गसुंदर, शांतपूर्ण आणि अनेक रमणीय स्थळे असलेला प्रदेश आहे. कोलकाता, दिल्लीवरून शिलाँगसाठी थेट फ्लाईटही आहेत. इथले चित्रपटकर्मी तिथे चित्रिकरणासाठी आले तर त्यांना मेघालय सरकारकडून सहकार्य मिळेल, अशी ग्वाही त्यांनी यावेळी दिली. मेघालयमध्ये पाच दिवस चालणाऱ्या या महोत्सवात ६५हून अधिक चित्रपट आणि लघुपटही दाखवण्यात येणार आहेत. मेघालय चित्रपट धोरण लवकरच जाहीर करण्यात येणार असल्याचेही कमांडर शांगप्लियांग यांनी यावेळी सांगितले.
डॉ. हरजीत सिंह आनंद (इंडो युरोपियन बिझनेस कौन्सिल चेम्बर ऑफ कॉमर्सचे संस्थापक), आयपीएस अधिकारी मोहन राठोड यांच्यासह अनेक मान्यवर यावेळी उपस्थित होते. या कार्यक्रमात महोत्सवाचा लोगो आणि अधिकृत संकेतस्थळाचे अनावरण करण्यात आले. यावेळी पंकज बेरी, मानव सोहल, श्रावणी गोस्वामी, ब्राइट आऊटडोअर मीडिया लिमिटेडचे योगेश लखानी, अर्चना जैन, एकता जैन, शिवम मिश्रा, सेलेब्रिटी ॲस्ट्रॉलॉजर नरेंद्र शास्त्री उपस्थित होते. एबीके मीडिया इंडिया प्रायव्हेट लिमिटेडच्या संस्थापक संचालिका अरुणा चक्रवर्ती यांनी यावेळी उपस्थितांचे स्वागत केले.
