विसाव्या शतकाचा पूर्वार्ध म्हणजे भारतीय स्वातंत्र्य चळवळीतील तेजस्वी पर्व. या पर्वात स्वातंत्र्यलढ्याच्या नेतृत्त्वाची मशाल लोकमान्य टिळकांच्या हातातून महात्मा गांधींच्या हाती सोपवली गेली. या महत्त्वपूर्ण घडामोडीचा विश्लेषक आढावा घेणारा बहुमोल द्विखंडात्मक ग्रंथ म्हणजे डॉ. सदानंद मोरेलिखित ‘लोकमान्य ते महात्मा’. हा अत्यंत मौल्यवान असा संपूर्ण ग्रंथ स्टोरीटेल मराठीने आपल्या स्वातंत्र्याच्या अमृतमहोत्सवी वर्षानिमित्त ऑडिओबुकमध्ये इतिहासप्रेमी साहित्यरसिकांसाठी उपलब्ध करून दिला आहे. विशेष म्हणजे स्टोरीटेलने ‘फ्रीडम मंथ’ ही विशेष योजनाही यानिमित्ताने सुरू केली आहे.
गेल्या काही दशकांत समाजसुधारक हे अलिखित पद जसे कालबाह्य झाले, तसेच सामाजिक विचारवंतांची परंपराही खंडित झाली आहे. केवळ इतिहासाचे आकलन करण्यापेक्षा समाजातील सर्व घटकांमध्ये घडलेल्या घटना-घडामोडींचा एकत्रित विचार करण्याची क्षमता असणारे विचारवंतही एका हाताच्या बोटांवर मोजता येतील, एवढेच आहेत. त्यामध्ये अग्रणी असण्याचा मान डॉ. सदानंद मोरे यांच्याकडे जातो. गेल्या पस्तीस वर्षांमध्ये संतपरंपरेचा अभ्यास करून त्यांनी जो अन्वयार्थ लावला, तो त्यांच्यातील अभ्यासकाचे दर्शन घडवणारा आहे.
भारताच्या अमृतमहोत्सवी स्वातंत्र्य उत्सवानिमित्त ‘स्टोरीटेल’ने सब्स्क्रिप्शन प्लानमध्ये ‘स्टोरीटेल सिलेक्ट फ्रीडम ऑफर’ जाहीर करून स्वातंत्र्यप्रेमी साहित्यरसिकांचा आनंद द्विगुणित केला आहे. ‘स्टोरीटेल इंडिया’चे कंट्री मॅनेजर योगेश दशरथ म्हणतात की, आपला अमृतमहोत्सवी ‘स्वातंत्र्य उत्सव’ स्टोरीटेलला अविस्मरणीय करायचा आहे. महाराष्ट्राचे चिकित्सक विचारवंत जेष्ठ साहित्यिक डॉ. सदानंद मोरेलिखित स्वातंत्र्यलढ्याच्या पार्श्वभूमीवर महाराष्ट्रातील सत्ताकारणाचा घेतलेला वेध ‘लोकमान्य ते महात्मा’ हा संपूर्ण ग्रंथ आम्ही ऑडिओबुक मध्ये प्रकाशित करीत आहोत, जो तुम्ही कधीही, कुठेही आणि कितीही वेळा ऐकू शकणार आहात.
