द.आफ्रिका येथे सन सिटी शहरांमध्ये झालेल्या कॉमनवेल्थ क्लासिक आणि इक्विप्ड बेंचप्रेस स्पर्धेत मास्टर १ (४० वर्षांवरील पुरुष) या गटात ७५ किलो वजनी गटात रायगडच्या दिनेश पवार यांनी सुवर्णपदक मिळविले.
दिनेश पवार हे महड येथील रहिवासी असून खालापूर येथील स्पार्टन जिममध्ये सराव करतात. यापूर्वीसुद्धा त्यांनी आंतरराष्ट्रीय स्पर्धेत पदके जिंकली आहेत. दिनेश पवार यांच्या यशात त्यांच्या मातोश्री गीता पवार आणि पत्नी रेश्मा पवार यांचादेखील मोठा वाटा आहे. पॉवरलिफ्टिंग स्पोर्ट्स असोसिएशन, रायगडचे अध्यक्ष गिरीश वेदक यांनी पवार यांचे अभिनंदन केले आहे. महाराष्ट्र राज्य पॉवरलिफ्टिंग असोसिएशनचे सचिव संजय सरदेसाई यांचेसुद्धा मार्गदर्शन पवार यांना मिळाले.
