मुंबईतल्या दादर माटुंगा सांस्कृतिक केंद्रातर्फे शनिवार, दिनांक ४ नोव्हेंबर या दिवशी सायंकाळी ५.३० वाजता प्रसिद्ध अभिनेता आणि कवी किशोर कदम अर्थात सौमित्र यांच्याशी मनमोकळ्या गप्पांचा कार्यक्रम केंद्राच्या गोखले सभागृहात आयोजित करण्यात येणार आहे. त्याचे संवादक राजीव श्रीखंडे हे आहेत. स्व. वासुदेव व नलिनी यांच्या स्मृतीप्रीत्यर्थ या कार्यक्रमाला विद्या धामणकर यांनी सहाय्य केले आहे.
किशोर कदम हे अतिशय संवेदनशील अभिनेते म्हणून गाजलेले असून त्यांनी अनेक हिंदी, मराठी चित्रपटांमधे तसेच मालिकांमध्ये भूमिका केलेल्या आहेत. त्यांना पुरस्कारही प्राप्त झाले आहेत. ‘आणि तरीही मी’ हा त्यांचा कवितासंग्रह खूप लोकप्रिय झाला आणि त्याला अनेक पुरस्कार मिळाले. ते कविता वाचनाचे कार्यक्रमही करतात. त्यांच्या गीतांचा गारवा हा आल्बम खूप गाजला.
संवादक राजीव श्रीखंडे हे जागतिक साहित्याचे अभ्यासक असून ग्रंथालीच्या ग्लोबल साहित्य सफरमधून जगातल्या अजरामर साहित्यकृतींचा परिचय ते करून देतात. ते श्रीखंडे कन्सल्टंट्स या ख्यातनाम आस्थापनाचे व्यवस्थापकीय संचालक असून दादर माटुंगा सांस्कृतिक केंद्राचे खजिनदार म्हणूनही कार्यरत आहेत. कार्यक्रमानंतर प्रश्नोत्तरांसाठी थोडा वेळ देण्यात येईल. अधिकाधिक रसिकांनी यावेळी उपस्थित रहावे, असे आवाहन केंद्राच्या वतीने करण्यात आले आहे.
