Homeचिट चॅटश्री गणेश आखाड्यात...

श्री गणेश आखाड्यात मान्यवरांचा गौरव

मीरा-भाईंदर महानगरपालिकेच्या सौजन्याने व मीरा-भाईंदर कुस्तीगीर संघ संचालित श्री गणेश आखाड्याच्यावतीने मीरा-भाईंदरच्या महापौर डिंपल मेहता, उपमहापौर ध्रुवकिशोर पाटील, नगरसेवक तसेच विविध स्पर्धांत पदक पटकावलेल्या आखाड्याच्या कुस्तीगिरांचा गौरव सोहळा उत्साही वातावरणात नुकताच संपन्न झाला. सर्वांना फेटे बांधून, शाल-श्रीफळ, पुष्पगुच्छ देऊन यावेळी गौरवण्यात आले. महापौर डिंपल मेहता यांचा सत्कार सुनंदा माने आणि उपमहापौर ध्रुवकिशोर पाटील यांचा सत्कार मीरा-भाईंदर कुस्तीगीर संघाचे अध्यक्ष, मिलिंद लिमये यांनी केला. नगरसेवक भगवती शर्मा, सुरेश खंडेलवाल, सचिन डोंगरे, दीपक सावंत, नगरसेविका आकांक्षा वीरकर, किमया रकवी, आभा पाटील यांनादेखील यावेळी सन्मानित करण्यात आले.

यावेळी आखाड्याचे विविध‌ स्पर्धांत चमकलेले कुस्तीपटू विशाल जाधव, कोमल पटेल, मनीषा शेलार, गणेश शिंदे, सूरज माने, प्रवेश यादव, अनिकेत यादव, डॉली गुप्ता, आदर्श शिंदे, ओम जाधव, समीर बोबडे, स्नेहा मल्ला, देवेंद्र या सर्वांचा मान्यवरांच्या हस्ते सत्कार करण्यात आला. कार्यक्रमाचे प्रास्ताविक मिलिंद लिमये यांनी केले. महापौर डिंपल मेहता व उपमहापौर ध्रुवकिशोर पाटील यांनी आपल्या मनोगतात आखाड्याच्या मागण्या पूर्ण करण्याचे आश्वासन देत कुस्तीगिरांना पुढील वाटचालीसाठी शुभेच्छा दिल्या. या समारंभाचे सूत्रसंचालन वरिष्ठ शिक्षक बलराज बागल यांनी केले.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content