Homeन्यूज ॲट अ ग्लांसदुसऱ्यांच्या घरी धुणी-भांडी...

दुसऱ्यांच्या घरी धुणी-भांडी करणारी महिला झाली आमदार!

जिद्द, चिकाटी आणि लोकशाहीवरचा विश्वास असेल, तर एखादी सामान्य व्यक्ती किती मोठी झेप घेऊ शकते, याचे जिवंत उदाहरण म्हणजे कलिता माजी. पश्चिम बंगालच्या विधानसभा निवडणुकीच्या निकालात अनेक दिग्गजांचा पराभव झाला असला, तरी औसग्राम विधानसभा मतदारसंघातून आमदार म्हणून निवडून आलेल्या कलिता माजी यांची गोष्ट आज संपूर्ण देशासाठी कौतुकाचा आणि प्रेरणेचा विषय ठरली आहे. काही काळापूर्वीपर्यंत कलिता माजी यांचे आयुष्य अत्यंत साधे आणि कष्टप्रद होते. त्या दुसऱ्यांच्या घरी धुणी-भांडी करण्याचे काम करायच्या. महिन्याकाठी त्यांना अवघे २,५०० रुपये मिळायचे. त्यांचे पती प्लंबर म्हणून काम करतात. अत्यंत हलाखीच्या परिस्थितीत राहणाऱ्या कलिता यांनी कधी स्वप्नातही विचार केला नव्हता की, ज्या हातांनी त्यांनी आयुष्यभर इतरांच्या घरची भांडी घासली, तेच हात एके दिवशी विधानसभेत जनतेचे प्रश्न मांडतील.

साधेपणाने जिंकली लोकांची मने

भारतीय जनता पार्टीने जेव्हा त्यांना औसग्राममधून उमेदवारी जाहीर केली, तेव्हा अनेकांसाठी तो आश्चर्याचा धक्का होता. पण कलिता डगमगल्या नाहीत. प्रचारादरम्यानही त्यांचा साधेपणा उठून दिसत होता. कोणताही मोठा लवाजमा नसताना, घरोघरी जाऊन त्यांनी लोकांशी संवाद साधला. “मी तुमच्यातीलच एक आहे आणि तुमचे प्रश्न मला ठाऊक आहेत,” हा त्यांचा प्रामाणिकपणा मतदारांच्या मनाला भिडला. आज त्यांनी केवळ निवडणूक जिंकली नाही, तर प्रस्थापित राजकारण्यांना लोकशाहीची खरी ताकद काय असते, हे दाखवून दिले आहे.

लोकशाहीचा विजय

कलिता माजी यांचा विजय हा केवळ एका जागेचा विजय नसून, तो सामान्य माणसाच्या संघर्षाचा सन्मान आहे. एका झोपडीत राहणारी आणि घरकाम करणारी महिला जेव्हा राज्याच्या सर्वोच्च सभागृहात पोहोचते, तेव्हा तो लोकशाहीचा सर्वात मोठा उत्सव ठरतो. “मला आता माझ्या मतदारसंघातील गरिबांसाठी आणि महिलांसाठी काम करायचे आहे,” अशी भावना त्यांनी विजयानंतर व्यक्त केली आहे. कलिता माजी यांची ही यशोगाथा सांगते की, तुमची पार्श्वभूमी काय आहे यापेक्षा तुमची ध्येयाप्रती असलेली निष्ठा तुम्हाला यशाच्या शिखरावर पोहोचवू शकते.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content