Homeन्यूज ॲट अ ग्लांसनेपाळमध्ये नव्या युगाची...

नेपाळमध्ये नव्या युगाची सुरुवात; ३५ वर्षीय बालेन शाह पंतप्रधान!

नेपाळमध्ये नव्या युगाची सुरुवात झाली असून ३५ वर्षीय बालेन्द्र शाह (बालेन) यांनी शुक्रवारी नेपाळचे सर्वात तरुण पंतप्रधान म्हणून शपथ घेतली आहे. काठमांडूचे माजी महापौर आणि प्रसिद्ध रॅपर ते राजकारणी असा थक्क करणारा प्रवास करणाऱ्या बालेन शाह यांनी सार्वत्रिक निवडणुकीत ऐतिहासिक विजय मिळवत देशाची सूत्रे हाती घेतली. राष्ट्रपती रामचंद्र पौडेल यांनी त्यांना काठमांडू येथील ‘शीतल निवास’ येथे पद आणि गोपनीयतेची शपथ दिली. नेपाळच्या इतिहासात पहिल्यांदाच मधेश प्रदेशातील एका तरुण नेत्याने पंतप्रधानपदापर्यंत मजल मारली आहे.

बालेन शाह यांच्या ‘राष्ट्रीय स्वतंत्र पार्टी’ने (आरएसपी) ५ मार्च २०२६ रोजी झालेल्या निवडणुकीत २७५ पैकी १८२ जागा जिंकून निर्भेळ बहुमत मिळवले. त्यांनी झापा-५ या मतदारसंघातून माजी पंतप्रधान के. पी. शर्मा ओली यांचा मोठ्या फरकाने पराभव करत प्रस्थापित राजकारण्यांना मोठा धक्का दिला. गेल्या वर्षी नेपाळमध्ये झालेल्या युवक क्रांतीनंतर (जेन-झी प्रोटेस्ट) जनतेने पारंपरिक पक्षांना नाकारून भ्रष्टाचारमुक्त प्रशासनाच्या आशेने बालेन यांच्या नेतृत्त्वावर विश्वास दर्शवला आहे.

पंतप्रधान नरेंद्र मोदी यांनी बालेन शाह यांचे अभिनंदन केले असून भारत आणि नेपाळमधील मैत्रीपूर्ण संबंध अधिक उंचीवर नेण्यासाठी एकत्र काम करण्याची इच्छा व्यक्त केली आहे. स्ट्रक्चरल इंजिनिअर असलेल्या बालेन शाह यांच्यासमोर आता नेपाळची अर्थव्यवस्था सावरण्याचे आणि सुशासन देण्याचे मोठे आव्हान असणार आहे. त्यांनी आपल्या पहिल्याच संबोधनात तरुण पिढीला केंद्रस्थानी ठेवून विकास करण्याचे संकेत दिले आहेत.

Continue reading

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...

आंतरमहाविद्यालयीन तायक्वांदो स्पर्धेत खालसा कॉलेज चमकले!

महाराष्ट्रातल्या रत्नागिरी येथील गोगटे-जोगळेकर महाविद्यालयात आयोजित करण्यात आलेल्या मुंबई विद्यापीठाच्या आंतरमहाविद्यालयीन तायक्वांदो स्पर्धेत माटुंगा येथील गुरु नानक खालसा महाविद्यालयाच्या खेळाडूंनी उल्लेखनीय कामगिरी करत ७ सुवर्ण, ३ रौप्य आणि ३ कांस्य अशी एकूण १३ पदके पटकावली. या उत्कृष्ट कामगिरीच्या जोरावर...

पं. हृदयनाथ मंगेशकरांच्या उपस्थितीने रंगला ‘आशाताई आणि मी’!

मुंबईतल्या बोरीवली पश्चिम येथील स्वररंग प्रतिष्ठान, या संस्थेने आयोजित केलेला भावगंधर्व पं. हृदयनाथ मंगेशकर यांचा 'आशाताई आणि मी' हा कार्यक्रम नुकताच प्रबोधनकार ठाकरे नाट्यमंदिर, बोरिवली येथे संपन्न झाला. यावेळी नव्वदीच्या घरात पोहोचलेले पं. हृदयनाथ मंगेशकर यांच्या उपस्थितीने रसिकांच्या तुडूंब...
Skip to content