मीरा-भाईंदर महानगरपालिकेच्या सौजन्याने, मीरा-भाईंदर कुस्तीगीर संघ संचालित श्री गणेश आखाडा भाईंदरचे वस्ताद वसंतराव पाटील यांना “भारत गौरव सन्मान राष्ट्रीय पुरस्कार २०२४” पुरस्कार स्वातंत्र्यदिनाचे औचित्य साधून नुकताच प्रदान करण्यात आला.
कुस्ती क्षेत्रात अनेक वर्षांपासून केलेल्या कार्याबद्दल भारत गौरव सन्मान समारोह समिती दिल्ली, यांच्याकडून हा पुरस्कार राजेंद्र पाटील – कारगिल युद्ध, भारतीय सेना, संजय पाटील – राज्य सचिव, शासकीय पुनर्नियुक्त माजी सैनिक संघटना, संजय मालवेकर – सेवानिवृत्त भारतीय सेना दल, डॉ. स्मिता गिरी यांच्या उपस्थितीत प्रदान करण्यात आला.
हा कार्यक्रम कोल्हापूर इंजीनियरिंग असोसिएशन राणा समिती सभागृह, उद्धमनगर, कोल्हापूर येथे संपन्न झाला. कार्यक्रमाचे आयोजन अनिल माळवी (सचिव ऑर्गनायझिंग कमिटी) यांनी केले होते. यावेळी देशभक्तीपर गीतांचा सुंदर कार्यक्रमदेखील सादर करण्यात आला.
