मुंबई महापालिकेच्‍या आश्रय योजना अंतर्गत घनकचरा व्‍यवस्‍थापन खात्‍यातील सफाई कामगारांच्या वसाहतींचे पुनर्वसन करताना देण्‍यात येणाऱ्या विस्थापन भत्त्यात ६ हजार रूपयांची वाढ करण्यात आली आहे. ही वाढ १ जुलै २०२४पासून लागू होणार आहे. तांत्रिक व प्रशासकीय बाबींची पूर्तता करुन सप्‍टेंबर २०२४च्‍या मासिक वेतनात जुलै २०२४ व ऑगस्ट २०२४ या दोन महिन्‍यांच्‍या फरक रकमेसह संपूर्ण वाढीव रक्‍कम वेतनाद्वारे अदा केली जाणार आहे.
सध्या पालिका सेवा सदनिकाधारक सफाई कामगाराला विस्थापन भत्ता १४ हजार रूपये आणि दरमहा घरभाडे भत्ता दिला जातो. या भत्त्यामध्ये वाढ करण्याची घोषणा मुख्यमंत्री एकनाथ शिंदे यांनी नुकत्याच झालेल्या राज्य विधिमंडळाच्या अधिवेशनात केली होती. त्यानुसार पालिका प्रशासनाने विस्थापन भत्त्यात ६ हजार रूपयांची वाढ करण्यात आली आहे. त्यामुळे विस्थापन भत्ता आता दरमहा २० हजार रूपये करण्यात आला आहे.
ही वाढ दिनांक १ जुलै २०२४पासून लागू होणार आहे. प्रशासकीय तसेच तांत्रिक बाबींची पूर्तता करुन सप्‍टेंबर २०२४च्‍या मासिक वेतनात जुलै व ऑगस्ट महिन्‍यांच्‍या फरक रकमेसह संपूर्ण वाढीव रक्‍कम वेतनाद्वारे अदा केली जाणार आहे, असे पालिका प्रशासनातर्फे कळविण्यात आले आहे.
