बिग बॉस मराठीच्या घरात सुरू असलेले “जिंकू किंवा लढू” हे साप्ताहिक कार्य काल संपलं. या साप्ताहिक कार्यात टीम ए विजयी ठरली. नियमांनुसार या विजेत्या टीमच्या सदस्यांना आठवड्यातील कॅप्टनपदाची उमेदवारी मिळणार आहे. बिग बॉसने सांगितलेच आहे की, या टीममधल्या सदस्यांनी विचारविनिमय करून दोन सदस्यांची नावे कॅप्टन्सीसाठी द्यावी.
बिग बॉसच्या घरामध्ये कॅप्टनशीपसोबतच खूप मोठी जबाबदारीही येते. आता कॅप्टन बनण्याचा बहुमान कोणाला मिळणार हे आज कळेलच. टीम एमधील सदस्यांनी या विषयावर चर्चा करण्यास काल सुरूवात केली. प्रत्येक सदस्य आपण कॅप्टनसीसाठी कसे योग्य आहोत आणि इच्छा आहे त्यांनाच उमेदवारी मिळावी हे स्पष्ट करू लागले.
जयचे म्हणणे होते मला उमेदवारी मिळाली पाहिजे. मीराने सांगितले, मी माझंच नावं पुढे करेन. विशालचे म्हणणे होते, कॅप्टन म्हणून मला निवडावं अशी विनंती आहे. पण नुकत्याच समोर आलेल्या प्रोमोमध्ये बिग बॉसने जाहीर केले आहे की टीम ए एकमताने निर्णय घेण्यास असमर्थ ठरली आहे. त्यामुळे आता ही संधी टीम बीला मिळत आहे. टीम बीला ही सुवर्णसंधीच मिळाली आहे. आता टीम बी या संधीचा कसा योग्यपणे वापर करेल? कोणत्या दोन सदस्यांची नावे पुढे येतील? कोण होईल पुढच्या आठवड्याचा कॅप्टन? हे बघूया आजच्या भागात.
बिग बॉस मराठीच्या घरात आज रंगणार आहे “डान्स पे चान्स”, हे कॅप्टन्सी कार्य. पुढील आठवड्यात बिग बॉस मराठीच्या घराचा कॅप्टन कोण बनणार हे आजच्या भागात कळणार आहे. सदस्यांनी या कार्यासाठी एकसे बढकर एक.. असे गेटअप केले आहेत. सुरेखा कुडची – अक्षय वाघमारे, संतोष चौधरी (दादूस) – आविष्कार दारव्हेकर, मीनल शाह – गायत्री दातार, उत्कर्ष शिंदे – सोनाली पाटील, मीरा जगन्नाथ – तृप्ती देसाई आणि स्नेहा वाघ – विकास पाटील या जोड्या असणार आहेत.
आता यांनी कोणत्या गाण्यांवर डान्स केला, कोण बनला घराचा नवा कॅप्टन, कळणार आहे आज. दादुस आणि आविष्कार यांनी पार्टनर चित्रपटातल्या गाण्यावर धम्माल डान्स केला. आविष्कार आणि दादूस बनले बिग बॉस मराठीच्या घरातले सलमान खान आणि गोविंदा. घरातील सदस्यांनी अजून काय काय धम्माल केली ती आज कळेलच.
याचसोबत टीम एमधील सदस्यांची चर्चा बघायला मिळणार आहे, कॅप्टन्सी टास्कसाठीच्या उमेदवारीसाठी. ज्यामध्ये जय त्याचा मुद्दा मांडताना दिसणार आहे, “आपण जर असे वाद करणार असू तर आपण जे आता म्हणतो आहे की, मी समजूतदार.. वैगरे तर आपण बाहेरच्या सहा जणांना कसे सांभाळणार?”
तेव्हा नक्की बघा बिग बॉस मराठी.. आज रात्री कलर्स मराठीवर..
