Homeकल्चर +'दाल रोटी'चा ट्रेलर...

‘दाल रोटी’चा ट्रेलर प्रदर्शित!

युवा वर्गाने शेती करून तिला एक व्यापक स्वरुप द्यावे तसेच त्यातून प्रगती साध्य करावी, निर्धार पक्का असेल तर सध्याच्या कृषी समस्यांचे आव्हान त्यांना सहजपणे पेलता येईल, याबाबत मनोरंजनाच्या माध्यमातून मार्गदर्शन करत देशभक्तीचा संदेश देणाऱ्या ‘दाल रोटी’ चित्रपटाचा ट्रेलर नुकताच प्रदर्शित झाला.

त्याला प्रेक्षकांकडून उत्तम प्रतिसाद मिळत आहे. आफ्ताब पिक्चर्सच्या बॅनरखाली सलीम अख्तर यांनी या चित्रपटाची निर्मिती केली आहे. यापूर्वी त्यांनी राज सिप्पी यांच्यासमवेत कयामत, लोहा, जे. पी. दत्ता यांच्यासमवेत बटवारा, अशोक गायकवाड यांच्यासमवेत दूध का कर्ज, इज्जत, फूल और अंगार, राजा की आयेगी बारात, फारूख सिद्दीकी, राज कंवर यांच्यासमवेत अनेक चित्रपट दिले आहेत. पहिल्यांदाच ते महिला दिग्दर्शक जुली जास्मिन यांच्यासमवेत हा चित्रपट करत आहेत.

शमा अख्तर या चित्रपटाच्या कार्यकारी निर्मात्या आहेत. यात दिशांत गुलिया, रुपाली थापा, कौस्तुभ दबराल, प्रियांका देहलान, रेणू मल्होत्रा, रितू गुलाटी, अजय शर्मा, राकेश गिरी, अरुण नागी, आदित्य भारद्वाज, साहिल सिद्दीकी, अनमोल चौधरी असे कलाकार आहेत. या चित्रपटाच्या माध्यमातून प्रेक्षकांना आपल्या देशाबद्दलचे प्रेम अधिक जागरूक होणार आहे. यात राष्ट्रगीताचीही उत्तम निर्मिती केली गेली आहे. प्रेक्षकांसाठी ट्रेलर प्रदर्शित करण्यात आला आहे. त्यातून या चित्रपटाच्या कथानकाची कल्पना येते.

ट्रेलरची लिंक- https://www.youtube.com/watch?v=j6vFtyRlkfk

Continue reading

मुंबईत येत्या २० नोव्हेंबरपासून ३ दिवस रसिकांसाठी संगीताची मेजवानी

हिंदुस्थानी शास्त्रीय संगीताची समृद्ध परंपरा, सुरांची माधुरी आणि स्वरकलेचा अभिजात वारसा जपणाऱ्या मुंबईतल्या दादर माटुंगा सांस्कृतिक केंद्राच्या वतीने यंदाही वार्षिक संगीत महोत्सवाचे भव्य आयोजन करण्यात आले आहे. येत्या २० ते २२ नोव्हेंबर, या कालावधीत रंगणारा हा त्रिदिवसीय संगीत महोत्सव...

अमेरिकेचे अध्यक्ष ट्रम्प होणार व्हेटो अध्यक्ष?

अमेरिकेत नुकत्याच झालेल्या मध्यावधी निवडणुकीत अध्यक्ष डोनाल्ड ट्रम्प यांच्या रिपब्लिकन पक्षाने सपाटून मार खाल्ल्यानंतर ट्रम्प यांचे अध्यक्षपद फक्त नामधारी राहणार आहे. येत्या तीन जानेवारीपर्यंत ट्रम्प यांची सध्याची ध्येयधोरणे अस्तित्त्वात राहतील. मात्र, त्यानंतर त्यांना अमेरिकी काँग्रेस (प्रतिनिधीगृह) तसेच सिनेटमधल्या डेमॉक्रॅटिक...

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...
Skip to content