भारतासारख्या कृषीप्रधान देशात शेतकऱ्यांच्या समस्यांकडे काहीसे दुर्लक्ष होताना दिसून येते. त्यांच्या आत्महत्त्यादेखील वाढत आहेत. अशा परिस्थितींत त्यांचे प्रश्न आणि त्यांची सोडवणूक करण्यासाठी युवकांनी शेती करून इतरांसाठी कशी प्रेरणा निर्माण केली, याचे यथार्थ चित्रण घडविणारा ‘डाल रोटी’ हा हिंदी चित्रपट लवकरच प्रेक्षकांच्या भेटीला येत आहे.
अफ्ताब पिक्चर्सने त्याची निर्मिती केली असून दिग्दर्शन जुली जास्मिन यांचे आहे. दिवाकर प्रवीण यांनी लेखन केले आहे तर दिशांत गुलिया, रुपाली थापा यांचा सुंदर अभिनय यात बघायला मिळणार आहे. तू मेरी सीता, हे चित्रपटातील गाणे विशेष लोकप्रिय होत आहे. अर्शान यांनी ते गायले आहे. गीतकार समीर अंजान असून संगीतदिग्दर्शन विष्णुधर मिश्रा यांचे आहे.
