Tag: Matunga

मुंबईच्या दादर माटुंगा सांस्कृतिक केंद्राच्या वतीने येत्या २७ ते २९ सप्टेंबर, या कालावधीत दररोज सायंकाळी ५.३० वाजता केंद्राच्या वा. वा. गोखले वातानुकूलित सभागृहात अध्यात्मरंग महोत्सवाचे आयोजन करण्यात आले आहे. शुक्रवारी, २७ सप्टेंबरला डॉ. सुचेता परांजपे यांचे ऋग्वेदाचा परिचय या विषयावरील व्याख्यान होईल. शनिवारी, २८ सप्टेंबर रोजी त्यांचेच उपनिषदे-कथांमधून तत्त्वज्ञान या विषयावरील व्याख्यान होईल. महोत्सवाचा समारोप विद्याधर गोखले संगीत नाट्य प्रतिष्ठान निर्मित संगीत नाटकातील भक्तिगीतांचा कार्यक्रम 'भक्तीगीत गंगा', हा रविवारी २९ सप्टेंबर या दिवशी होईल. याची संकल्पना आणि मार्गदर्शन शुभदा दादरकर यांची असून धवल भागवत, श्रीया सोंडूर, संगीता चितळे यांचा यात सहभाग...