मुंबईतल्या दादर माटुंगा सांस्कृतिक केंद्राच्या वतीने ‘डिस्कवर, परफॉर्म, राइज इन खयाल’, या थीमखाली हिंदुस्तानी खयाल गायन स्पर्धेचे आयोजन करण्यात आले आहे. ही स्पर्धा १६ ते ३० वर्षे वयोगटातील कलाकारांसाठी असून, येत्या २२ मार्च २०२६ रोजी सकाळी ९.३० वाजता केंद्राच्या वा. वा. गोखले वातानुकूलित सभागृह, यशवंत नाट्य मंदिराजवळ, माटुंगा, मुंबई ४०००१६ येथे होणार आहे.
या स्पर्धेच्या माध्यमातून युवा गायकांना खयाल गायकीच्या क्षेत्रात स्वतःला सिद्ध करण्याची उत्तम संधी मिळणार आहे. पारंपरिक हिंदुस्तानी संगीताला प्रोत्साहन देण्यासाठी आयोजित या कार्यक्रमात सहभागी होण्यासाठी अर्ज, केंद्राच्या कार्यालयात किंवा वेबसाइटवर dadarmatungaculturalcentre.org उपलब्ध आहेत. अधिक माहितीसाठी संपर्क क्रमांक ९७००९८८८९४ वर संपर्क साधता येईल. अर्ज सादर करण्याची शेवटची तारीख २० मार्च २०२६ आहे.
