Homeचिट चॅटसेव्हन स्क्वेअर अकॅडमीच्या...

सेव्हन स्क्वेअर अकॅडमीच्या अंडर-17 मुली मुखर्जी फुटबॉल जिल्हा विजेत्या

युवक सेवा संचालनालय, महाराष्ट्र राज्य, जिल्हा क्रीडा परिषद, ठाणे आणि मीरा-भाईंदर महानगरपालिका यांच्या संयुक्त विद्यमाने आयोजित जिल्हास्तरीय सुब्रतो मुखर्जी फुटबॉल स्पर्धा नुकतीच मीरा-भाईंदर येथे उत्साहात पार पडली. या प्रतिष्ठेच्या स्पर्धेत सेव्हन स्क्वेअर अकॅडमीच्या अंडर-17 मुलींच्या फुटबॉल संघाने उत्कृष्ट सांघिक खेळाचे प्रदर्शन करत विजेतेपद पटकावले. संघाचे प्रशिक्षक विशाल अशोक वाघेला यांच्या मार्गदर्शनाखाली संघाने संपूर्ण स्पर्धेत दमदार कामगिरी करत जिल्हा अजिंक्यपदावर आपले नाव कोरले. संघाची कर्णधार शर्वरी डेरे हिने या विजयात मोलाची भूमिका बजावली. स्पर्धेदरम्यान संघाने केलेल्या एकूण पाच गोलांपैकी तब्बल तीन गोल शर्वरीने नोंदवत आपल्या उत्कृष्ट खेळाची छाप पाडली आणि संघाच्या विजयात सिंहाचा वाटा उचलला.

स्पर्धेच्या बक्षीस वितरण समारंभास मीरा-भाईंदर महानगरपालिकेचे आयुक्त राधाविनोद, उपमहापौर ध्रुवकिशोर पाटील, आयुक्त प्रियांका राजपूत, उपायुक्त स्वप्निल सावंत तसेच सहाय्यक आयुक्त (क्रीडा) दिपाली पवार यांची प्रमुख उपस्थिती होती. मान्यवरांच्या हस्ते विजेत्या संघाला ट्रॉफी व सन्मानचिन्ह प्रदान करण्यात आले. सेव्हन स्क्वेअर अकॅडमीच्या या उल्लेखनीय यशामुळे संस्थेच्या शिरपेचात मानाचा तुरा रोवला गेला असून, मीरा-भाईंदर शहराच्या क्रीडा क्षेत्राचाही गौरव वाढला आहे. आगामी राज्य व राष्ट्रीय स्तरावरील स्पर्धांमध्येही संघ अशीच उल्लेखनीय कामगिरी करेल, असा विश्वास यावेळी व्यक्त करण्यात आला.

Continue reading

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...

कार-बाईक मालकांसाठी खुशखबर; नव्या वाहनांसाठी ३ वर्षांची पीयूसी

कार आणि बाईकच्या मालकांना आता दरवर्षी प्रदूषण नियंत्रण प्रमाणपत्र (पीयूसी) घेण्याची झंझट संपणार आहे. केंद्रीय रस्ते वाहतूक आणि महामार्ग मंत्रालयाने १३ नोव्हेंबर २०२६ रोजी अधिसूचित केलेले केंद्रीय मोटार वाहन (१६वे संशोधन) नियम, २०२६ आता राजपत्रात प्रसिद्ध झाल्याने लागू झाले...

भरत सावंतने जिंकली नलावडे स्मृती शालेय कॅरम स्पर्धा

मुंबईतल्या आयडियल स्पोर्ट्स अकॅडमी, शशिकलाताई फौंडेशन व अविनाश नलावडे स्पोर्ट्सतर्फे बालदिनानिमित्त आयोजित करण्यात आलेली‌ कॅरमप्रेमी प्रल्हाद नलावडे स्मृती चषक शालेय कॅरम स्पर्धा आरपीडी हायस्कूल-सावंतवाडीच्या भरत सावंतने जिंकली. निर्णायक बोर्डाच्या अगोदर ११-७ अशी आघाडी घेणाऱ्या द्वितीय मानांकित प्रसन्न गोळेला भरत...
Skip to content