मुंबईच्या भायखळ्यातले वीरमाता जिजाबाई भोसले वनस्पती उद्यान व प्राणिसंग्रहालय म्हणजेच पूर्वीची राणीची बाग येत्या बुधवारी, १६ ऑगस्ट रोजी राहणार असून त्याऐवजी ती गुरुवारी, १७ ऑगस्टला बंद राहणार आहे, असे मुंबई महापालिकी प्रशासनाने कळवले आहे.
येत्या बुधवारी, १६ ऑगस्टला पतेतीनिमित्त सार्वजनिक सुट्टी आहे. मात्र, बुधवार, १६ ऑगस्ट रोजी वीरमाता जिजाबाई भोसले वनस्पती उद्यान व प्राणिसंग्रहालय जनतेकरिता खुले राहणार आहे. तर दुसऱ्या दिवशी म्हणजे गुरुवार, १७ ऑगस्ट २०२३ रोजी वीरमाता जिजाबाई भोसले वनस्पती उद्यान व प्राणिसंग्रहालय बंद असेल.
भायखळा (पूर्व) परिसरातील वीरमाता जिजाबाई भोसले वनस्पती उद्यान व प्राणिसंग्रहालय साप्ताहिक सुट्टीनिमित्त दर बुधवारी बंद असते. मात्र, बृहन्मुंबई महानगरपालिकेने यापूर्वी मंजूर केलेल्या एका ठरावानुसार बुधवारी सार्वजनिक सुट्टी आल्यास त्यादिवशी वनस्पती उद्यान व प्राणिसंग्रहालय जनतेसाठी खुले असते व दुसऱ्या दिवशी बंद ठेवण्यात येते. यानुसार बुधवार, १६ ऑगस्ट २०२३ रोजी वीरमाता जिजाबाई भोसले वनस्पती उद्यान आणि प्राणिसंग्रहालय जनतेसाठी खुले राहणार असल्याचे पालिका प्रशासनाकडून कळविण्यात येत आहे.
