महाराष्ट्राचे लाडके अभिनेते मकरंद अनासपुरे आणि तेजस्विनी लोणारी लवकरच नव्या कोऱ्या ‘छापा काटा’ चित्रपटातून धमाकेदार भूमिकेत येत आहेत. ‘अल्ट्रा मीडिया अँड एंटरटेनमेंट प्रायव्हेट लिमिटेड’ प्रस्तुत ‘छापा काटा’ धमाल विनोदी चित्रपटाचा नुकताच दणक्यात पोस्टर लाँच झाला असून रसिक प्रेक्षकांची उत्सुकता शिगेला पोहोचली आहे. हा चित्रपट १५ डिसेंबरला संपूर्ण महाराष्ट्रात प्रदर्शित होणार असून प्रेक्षकांना चित्रपटगृहात भन्नाट मनोरंजन अनुभवता येणार आहे.
‘ढ लेकाचा’, ‘कुलस्वामिनी’, ‘बोल हरी बोल’ आणि ‘हिरा फेरी’ या सुपरहिट चित्रपटांनंतर सुशीलकुमार अग्रवाल यांनी ‘छापा काटा’ चित्रपटाची निर्मिती केली असून संदीप नवरे यांनी त्याची पटकथा आणि दिग्दर्शन केले आहे. चित्रपटात मकरंद अनासपुरे आणि तेजस्विनी लोणारी यांच्यासोबत मोहन जोशी, अरुण नलावडे, ऋतुराज फडके, पंकज विष्णू, सुश्रृत मंकणी, रीना अग्रवाल आणि विजय पाटकर हे प्रसिद्ध अभिनेते प्रेक्षकांचं भरभरून मनोरंजन करणार आहेत. या सर्व अभिनेत्यांची झलक असणाऱ्या या चित्रपटाचे पोस्टर चित्तवेधक असून प्रेक्षकांना जबदरस्त आकर्षित करत आहे.
