मुंबई-गोवा महामार्गावर कोलाडजवळील पुई येथे म्हैसदरा नवीन पुलाचे गर्डर बसवण्याच्या कामासाठी उद्या, ११ जुलैपासून १३ जुलैपर्यंत सकाळी ६ ते ८ या वेळेत आणि दुपारी २ ते ४ या वेळेत ब्लॉक घेतला जाणार आहे. तरी या कालावधीत मुंबईहून गोव्याला जाणाऱ्या प्रवाशांनी पर्यायी मार्गाचा वापर करावा, असे आवाहन राज्याच्या सार्वजनिक बांधकाम खात्याने केले आहे.
या काळात प्रवाशांनी पुढील पर्यायी मार्गाचा अवलंब करावा-
१) वाकण फाटा येथून भिसे खिंड-रोहा-कालाडमार्गे पुन्हा मुंबई-गोवा महामार्गावरून मार्गस्थ होता येईल.
२) वाकण फाटा येथून पाली-रवाळजे-कोलाड किंवा पाली-रवाळजे-निजामपूर-माणगाववरून वळवून मुंबई-गोवा महामार्गावरून मार्गस्थ होता येईल.
३) खोपोली-पाली-वाकण राष्ट्रीय महामार्गावरून जाणाऱ्या वाहनांना पाली-रवाळजे-कोलाड किंवा पाली-रवाळजे-निजामपूर-माणगाववरून वळवून मुंबई-गोवा महामार्गावरून मार्गस्थ होता येईल.
या कालावधीत गोव्याहून मुंबईला जाणाऱ्या प्रवाशांसाठी पर्यायी मार्ग-
१) कोलाड येथून कालाड-रोहा-भिसे खिंड-वाकण फाटा किंवा नागोठणेवरून वळवून मुंबई-गोवा महामार्गावरून मार्गस्थ होता येईल.
२) कोलाड येथून रवाळजे-पालीवरून वळवून वाकण-पाली-खोपोली राष्ट्रीय महामार्गावरून मार्गस्थ होता येईल.
३) कोलाड येथून रवाळजे-पाली-वाकण फाटावरून वळवून मुंबई-गोवा महामार्गावरून मार्गस्थ होता येईल.
