Homeहेल्थ इज वेल्थआता गरजूंनी 'जितो'कडून...

आता गरजूंनी ‘जितो’कडून न्या ऑक्सिजन भाड्यावर!

जैन इंटरनॅशनल ट्रेड ऑर्गनायझेशन म्हणजेच जितो, या संघटनेच्या गोरेगाव विभागाने मुंबईतल्या जोगेश्वरी ते दहीसर या परिसरातल्या ऑक्सिजनची गरज असलेल्या रूग्णांसाठी नाममात्र भाड्याने ऑक्सिजनची सेवा सुरू केली आहे.

कोरोनाग्रस्तांना अनेकदा श्वसनाचा त्रास होतो आणि त्यांना ऑक्सिजनची गरज भासते. परंतु अनेकदा रूग्णांना रूग्णालयात ऑक्सिजनचा बेड मिळू शकत नाही. अशावेळी त्यांना घरच्या घरीच उपचार घ्यावे लागतात. अशा रूग्णांसाठी जितोच्या गोरेगाव विभागाने ही योजना हाती घेतली आहे. यामध्ये संघटनेकडून रूग्णासाठी पाच लीटरच्या ऑक्सिजनचे मशीन पुरवले जाईल.

यासाठी पहिल्या सहा दिवसांसाठी दररोज १०० रूपये याप्रमाणे भाडे घेतले जाईल. त्यानंतरच्या प्रत्येक दिवसाकरीता दरदिवशी ५०० रूपये भाडे आकारले जाईल. जास्तीतजास्त १४ दिवसांपर्यंत हे मशीन वापरता येईल. १५व्या दिवशी ते संघटनेच्या कार्यालयात पुन्हा जमा करणे बंधनकारक राहील. याकरीता संघटनेकडून प्रत्येकी पाच हजार रूपये अनामत रक्कम म्हणून ठेवली जाईल. संघटनेच्या कोणातरी सदस्याने या रूग्णाला ऑक्सिजनचे मशीन पुरविण्याची शिफारस देणे बंधनकारक करण्यात आली आहे.

अधिक माहितीसाठी सकाळी ९ वाजल्यापासून संध्याकाळी ६ वाजेपर्यंत ९००४५१५१११, या दूरध्वनी क्रमांकावर संपर्क साधावा, असे आवाहन संघटनेचे गोरेगाव विभागाचे अध्यक्ष कीर्ती कांथेर, मुख्य सचिव पंकज लोढा, सहसचिव रौनक शाह आणि खजिनदार कविता शाह यांनी केले आहे. गरजूंना आपली मागणी ऑनलाईन फॉर्म भरूनही नोंदविता येईल. यासाठी https://forms.gle/LYxTefarzQG7KbE67 येथे संपर्क साधावा.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content